Assassination attempt on BJP worker బీజేపీ కార్యకర్తపై హత్యాయత్నం
ABN, Publish Date - Nov 17 , 2024 | 12:51 AM
మండలంలోని చంద్రగిరి గ్రామంలో శనివారం రాత్రి బీజేపీ కార్యకర్త క్రిష్ణమూర్తిశెట్టి ్తపై హత్యాయత్నం జరిగింది.
బొమ్మనహాళ్‌, నవంబరు 16 (ఆంధ్రజ్యోతి) మండలంలోని చంద్రగిరి గ్రామంలో శనివారం రాత్రి బీజేపీ కార్యకర్త క్రిష్ణమూర్తిశెట్టి ్తపై హత్యాయత్నం జరిగింది.
ఆయన గ్రామంలోని తన ఇంటిలో భోజనం చేస్తుండగా.. ఓ గుర్తుతెలియని దుండగుడు వచ్చి కొడవలితో దాడి చేసి చెయ్యి, వీపు, తలపై నరికాడు. క్రిష్ణమూర్తిశెట్టి చెల్లెలు పుష్పావతి గట్టిగా కేకలు వేయడంతో దాడికి పాల్పడిన వ్యక్తి పరారయ్యాడు. అనంతరం గ్రామస్థులు కొన ఊపిరితో ఉన్న క్రిష్ణమూర్తిశెట్టిని అంబులెన్సలో బళ్లారి విమ్స్‌కు తరలించారు. పరిస్థితి విషమంగా ఉంది. విషయం తెలుసుకున్న పోలీసులు సంఘటన స్థలానికి చేరుకుని విచారిస్తున్నారు. క్రిష్ణమూర్తిశెట్టికి కురువళ్లి గ్రామానికి చెందిన ఓ వ్యక్తితో భూమి తగాదాలున్నాయని, అందువల్లే ఈ దాడి జరిగి ఉండొచ్చని పోలీసులు అనుమానిస్తున్నారు. ఈ దాడికి సంబంధించిన పూర్తి వివరాలను త్వరలోనే వెల్లడిస్తామని రాయదుర్గం రూరల్‌ సీఐ వెంకటమరణ తెలిపారు.
మరిన్ని అనంతపురం వార్తల కోసం..
Updated Date - Nov 17 , 2024 | 12:51 AM
