AP News: సత్యసాయి జిల్లాలో విషాదం..

శ్రీ సత్య సాయి జిల్లా , నవంబర్ 29: శ్రీసత్యసాయి జిల్లాలో విషాద ఘటన చోటు చేసుకుంది. నిన్న(గురువారం) కిడ్నాప్‌కు గురైన చేతన్‌ కుమార్ అనే విద్యార్థి కథ విషాదంగా ముగిసింది. చేతన్‌ను కిడ్నాప్ చేసిన దుండగులు ఆపై బాలుడిని దారుణంగా హత్య చేశారు. మడకశిర మండలం ఆమిదాలగొంది ప్రభుత్వ జడ్పీ హైస్కూల్ పాఠశాలలో 8వ తరగతి చదువుతున్న చేతన్ కుమార్ కిడ్నాప్‌కు గురయ్యాడు. కొందరు గుర్తుతెలియని వ్యక్తులు బైక్‌పై వచ్చి విద్యార్థిని పాఠశాల నుంచి కిడ్నాప్ చేశారు.

CM Chandrababu: అనంతలో సీఎం చంద్రబాబు పర్యటన షెడ్యూల్ ఇదే

చాలా సేపటి వరకు విద్యార్థి కనిపించకపోవడంతో ఆందోళనకు గురైన తల్లిదండ్రులు, ఉపాధ్యాయులు పోలీసులకు ఫిర్యాదు చేశారు. కేసు నమోదు చేసిన పోలీసులు విద్యార్థి కోసం తీవ్రంగా గాలింపు చర్యలు చేపట్టారు. ఈ క్రమంలో మడకశిర సరిహద్దున కర్ణాటకలోని అటవీ ప్రాంతంలో విద్యార్థి శవంగా కనిపించాడు. బాలుడు దారుణంగా హత్యకు గురైనట్లు పోలీసులు గుర్తించారు. ఈ ఘటనకు సంబంధించి సీసీ టీవీ ఫుటేజ్ ఆధారంగా నిందితులను గుర్తించేందుకు పోలీసులు యత్నిస్తున్నారు. తల్లిదండ్రులకు సమాచారం అందించడంతో వెంటనే వారు ఘటనా స్థలికి చేరుకున్నారు.

ప్రభుత్వ పాఠశాలలో ఎనిమిదవ తరగతి చదువుతున్న చేతన్‌ను నిన్న మధ్యాహ్నం ఇద్దరు వ్యక్తులు బైక్‌పై వచ్చి తీసుకెళ్లారు. విద్యార్థిని బైక్‌పై తీసుకెళ్లిన దృశ్యాలు సీసీ ఫుటేజ్‌లో రికార్డు అయ్యాయి. అయితే దగ్గరి బంధువులే చేతన్‌ను పాఠశాల నుంచి తీసుకెళ్లినట్లు ఉపాధ్యాయులు చెబుతున్నారు. చేతన్‌ను దగ్గరి బంధువులే తీసుకెళ్లారని తల్లిదండ్రులకు ఉపాధ్యాయులు సమాచారం ఇచ్చారు. పాఠశాల వదిలినప్పటికీ చేతన్ ఇంటికి రాకపోవడంతో ఆందోళన చెందిన తల్లిదండ్రులు.. ఈ విషయంపై పోలీసులకు ఫిర్యాదు చేశారు. తమ కుమారుడు చేతన్‌‌ను గుర్తుతెలియని వ్యక్తులు తీసుకెళ్లారంటూ తల్లిదండ్రులు ఇచ్చిన ఫిర్యాదు మేరకు పోలీసులు కేసు నమోదు చేసుకుని చుట్టుపక్కల ప్రాంతాల్లో గాలింపు చర్యలు చేపట్టారు.

లారీలోనే కుప్పకూలిన డ్రైవర్.. చివరికి ఏమైందంటే.

అయితే ఈరోజు తెల్లవారుజామున కర్నాటక సరిహద్దు ప్రాంతమైన అటవీ ప్రాంతంలో విద్యార్థి శవంగా కనిపించడంతో తల్లిదండ్రులకు సమాచారం అందించారు. అయితే కిడ్నాప్‌కు గురైన తమ బాలుడు క్షేమంగా తిరిగి వస్తాడని భావించిన తల్లిదండ్రులు.. చేతన్ హత్య గురైన విషయం తెలిసి కన్నీరుమున్నీరుగా విలపిస్తున్నారు. ఆడుతూ పాడుతూ ఉన్న తమ బిడ్డ ఇక లేడు అని తెలిసి తల్లిదండ్రులు శోకసంద్రలో మునిగిపోయారు. కుటుంబసభ్యులు, దగ్గరి బంధువుల మధ్య ఉన్న విబేధాల కారణంగానే చేతన్ హత్యకు గురైనట్లు పోలీసులు భావిస్తున్నారు. బాలుడిని హత్య చేసిన వారిని పట్టుకుని తీరుతామని పోలీసులు చెబుతున్నారు.

మేనమామ చేతిలోనే..

అయితే మామ చేతిలోనే ఎనిమిదవ తరగతి విద్యార్థి చేతన్ కుమార్ దారుణహత్యకు గురైనట్లు ఎట్టకేలకు పోలీసులు గుర్తించారు. చేతన్ కుమార్‌ను కాళ్లు చేతులు కట్టివేసి అతికిరాతంగా మేనమామ అశోక్ హత్య చేశాడు. చేతన్ కుమార్ ను ద్విచక్ర వాహనంలో తీసుకెళ్లిన వ్యక్తి మేనమామ అశోక్‌గా గుర్తించారు. అశోక్ కదలికలపై నిఘా వేసిన పోలీసులు అతడిని అదుపులోకి తీసుకుని విచారించారు. అయితే పోలీసులు విచారణలో చేతన్ కుమార్‌ను హత్య చేసి పావగడ అటవీ ప్రాంతంలో పడేసినట్లు అశోక్ వెల్లడించాడు.

ఘటనా స్థలికి ఎస్పీ

మరోవైపు బాలుడి హత్య గురించి తెలిసిన వెంటనే సత్యసాయి జిల్లా ఎస్పీ రత్న మడకశిరకు చేరుకున్నారు. 8వ తరగతి విద్యార్థి చేతన్ దారుణ హత్యపై ముమ్మరంగా దర్యాప్తు చేపట్టారు. కుటుంబంలో నెలకొన్న విభేదాలతోనే చేతన్ కుమార్ దారుణ హత్యకు గురైనట్లు గుర్తించారు. వరుసకు మేనమామ అయ్యే వ్యక్తి అశోక్ .. చేతన్‌ను హత్య చేసినట్లు పోలీసులు గుర్తించారు. మడకశిర మండలం మరవ పల్లి గ్రామానికి చెందిన వెంకట స్వామికి ఇద్దరు భార్యలు. మొదటి భార్య పుష్పవతి కుమారుడు చేతన్. రెండవ భార్య రాధిక... రాధిక తమ్ముడు అశోక్ నిన్న పాఠశాల నుంచి చేతన్ తీసుకువెళ్లి దారుణంగా హత్య చేసినట్లు పోలీసుల విచారణలో బయటపడింది. ప్రస్తుతం నిందితుడు అశోక్ పోలీసుల అదుపులో ఉన్నాడు.

ఇవి కూడా చదవండి...

సచివాలయ ఉద్యోగుల సంఘం నేత వెంకట్రామి రెడ్డి అరెస్టు

లాక్ చేసిన స్కూటీ చోరీ.. ఈ దొంగ తెలివి మామూలుగా

Read Latest AP News And Telugu News