MUKHARJEE: ముఖర్జీ ఆశయాలను కొనసాగిద్దాం
ABN, Publish Date - Jun 23 , 2024 | 11:54 PM
భారతీయ జనసంఘ్‌ వ్యవస్థాపకుడు శ్యామ్‌ప్రసాద్‌ ముఖర్జీ ఆశయాలను కొనసాగిద్దామని బీజేపీ జిల్లా అధ్యక్షుడు జీఎం శేఖర్‌ పిలుపు నిచ్చారు. శ్యాంప్రసాద్‌ ముఖర్జీ వర్ధంతిని ఆదివారం పట్టణంలోని అన్ని వార్డులలో బీజేపీ నాయకులు నిర్వహించారు.
ధర్మవరం, జూన 23: భారతీయ జనసంఘ్‌ వ్యవస్థాపకుడు శ్యామ్‌ప్రసాద్‌ ముఖర్జీ ఆశయాలను కొనసాగిద్దామని బీజేపీ జిల్లా అధ్యక్షుడు జీఎం శేఖర్‌ పిలుపు నిచ్చారు. శ్యాంప్రసాద్‌ ముఖర్జీ వర్ధంతిని ఆదివారం పట్టణంలోని అన్ని వార్డులలో బీజేపీ నాయకులు నిర్వహించారు. బీజేపీ జిల్లా ఉపాధ్యక్షులు సాకే ఓబుళేశు, జింకా చంద్రశేఖర్‌, గుండా పుల్లయ్య, గోపాల్‌రెడ్డి, నబీరసూల్‌, కార్తీక్‌, నరసింహులు, మిర్యాల అంజి, మహాలక్ష్మి, రాధమ్మ పాల్గొన్నారు.
ముదిగుబ్బ: మండల కేంద్రంలో శ్యామ్‌ప్రసాద్‌ ముఖర్జీ 71వ వర్ధంతిని ఆదివారం కూటమి నాయకులు ఘనంగా నిర్వహించారు. ఆయన చిత్రపటం ఉంచి పూలమాలలు వేసి నివాళి అర్పించారు. పలువురు మాట్లాడుతూ శ్యామ్‌ప్రసాద్‌ ముఖర్జీ చేసిన సేవలను కొనియాడారు. ఎంపీపీ ఆదినారాయణ యాదవ్‌, బీజేపీ మండల కన్వీనర్‌ సోమల ప్రకాష్‌, పసుపులేటి వెంకటేష్‌, గడ్డం ఓబిరెడ్డి, బిల్లు కుళ్ళాయప్ప, జనసేన మండల కన్వీనర్‌ గుర్రం జయచంద్ర, మంజునాథ్‌, టైలర్‌ దామోదర్‌, రమేష్‌, రాజా పాల్గొన్నారు.
పుట్టపర్తి: భారతీయ జనసంఘ్‌ వ్యవస్థాపకుడు శ్యామ్‌ప్రసాద్‌ముఖర్జీ వర్ధంతి వేడుకలను బీజేపీ నాయకులు ఆదివారం ఘనంగా జరుపుకున్నారు. స్థానిక బీజేపీ కార్యాలయంలో ముఖర్జీ చిత్రపటానికి పూలమాలలు వేసి నివాళులర్పించారు. నాయకులు జ్యోతిప్రసాద్‌, బాలగంగాధర్‌, రామాంజనేయులు, నారాయణ, సత్యమయ్య పాల్గొన్నారు.
నల్లచెరువు: మండలకేంద్రంలోని బషీర్‌ కాంప్లెక్స్‌ సమీపంలో బీజేపీ నాయకుల ఆధ్వర్యంలో డాక్టర్‌ శ్యామ్‌ ప్రసాద్‌ ముఖర్జీ వర్ధంతిని ఆదివారం ఘనంగా నిర్వహించారు. ఆయన చిత్రపటానికి పూలమాలలు వేసి నివాళ్లు అర్పించారు. ఇంతియాజ్‌ అహమ్మద్‌, గంగాధర్‌, నాయకులు పాల్గొన్నారు.
ఓబుళదేవరచెరువు: మండలకేంద్రంలోని అంబేడ్కర్‌ సర్కిల్‌లో ఆదివారం శ్యామ్‌ప్రసాద్‌ ముఖర్జీ వర్ధంతిని ఘనంగా నిర్వహించారు. బీజేపీ మండల అధ్యక్షుడు సున్నంపల్లి రంగారెడ్డి ఆధ్వర్యంలో ముఖర్జీ చిత్రపటానికి పూల మాలలు వేసి నివాళి అర్పించారు. అశోకప్ప, ఆర్‌ఎంపీ హరిక్రిష్ణ, నరే్‌షబాబు, వెంకటరమణ, రాజశేఖర్‌, నాగప్ప, క్రిష్టప్ప, సీనియర్‌ నాయకులు గాజుకుంటపల్లి వీరా, సురేష్‌, రామిరెడ్డి పాల్గొన్నారు.
తాడిమర్రి: బలిదాన దివస్‌ కార్యక్రమాన్ని మండల కేంద్రంలో ఘనంగా నిర్వహించారు. ధర్మవరం బీజేపీ అసెంబ్లీ కన్వీనర్‌ గంగులకుంట గోపాల్‌రెడ్డి ఆధ్వర్యంలో నియోజకవర్గ వ్యాప్తంగా పలు గ్రామాలలో కార్యక్రమాన్ని ఆదివారం నిర్వహించారు. 2029 ఎన్నికలలో బీజేపీ పోటీ చేసే ప్రతి అభ్యర్థిని గెలిపించుకునే విధంగా బలోపేతం చేసుకుందామన్నారు. నాయకులు సురేశరెడ్డి, పోతలయ్య, శ్రీనివాసులు, రాము, నీరుగంటి రామాంజనేయులు, పెద్దకోట్ల రమణ పాల్గొన్నారు.
Updated Date - Jun 23 , 2024 | 11:54 PM
