COLLECTOR: గ్రామీణాభివృద్ధిలో ఉద్యోగుల పాత్ర కీలకం
ABN, Publish Date - Aug 03 , 2024 | 11:32 PM
గ్రామీణాభివృద్ధి శాఖలో పనిచేస్తున్న ఉద్యోగుల పాత్ర కీలకమని కలెక్టర్‌ వినోద్‌కుమార్‌ అన్నారు. శనివారం సాయంత్రం డీఆర్‌డీఏ-వెలుగు కార్యాలయాన్ని ఆయన తనిఖీ చేసిన అనంతరం అధికారులతో సమీక్షా సమావేశం నిర్వహించారు.
కలెక్టర్‌ వినోద్‌కుమార్‌
అనంతపురం క్లాక్‌టవర్‌, ఆగస్టు 3: గ్రామీణాభివృద్ధి శాఖలో పనిచేస్తున్న ఉద్యోగుల పాత్ర కీలకమని కలెక్టర్‌ వినోద్‌కుమార్‌ అన్నారు. శనివారం సాయంత్రం డీఆర్‌డీఏ-వెలుగు కార్యాలయాన్ని ఆయన తనిఖీ చేసిన అనంతరం అధికారులతో సమీక్షా సమావేశం నిర్వహించారు. కలెక్టర్‌ మాట్లాడుతూ డీఆర్‌డీఏ-వెలుగు పరిధిలో అమలవుతున్న పథకాలు, మండల స్థాయి, గ్రామస్థాయిలో ఉద్యోగుల పనితీరు, ప్రగతిపై నిత్యం పరిశీలించాలని ఆదేశించారు. అన్ని విభాగాల్లో జిల్లాను ప్రథమ స్థానంలో నిలిపేందుకు సమష్టి కృషి చేయాలన్నారు. కార్యాలయానికి ఐఎ్‌సఓ-9001ః2015 సర్టిఫికెట్‌ పొంది, పరిసరాలను పరిశుభ్రంగా ఉంచి, ఉన్నతస్థాయి ప్రమాణాలు పాటించాలన్నారు. అనంతరం అభ్యుదయభవన పరిశీలించి, త్వరలో అందుబాటులోకి తీసుకువస్తామని తెలిపారు. డీఆర్‌డీఏ-వెలుగు పీడీ ఓబుళమ్మ, ఏపీడీ ఈశ్వరయ్య, డీపీఎంలు, ఏపీఎంలు పాల్గొన్నారు.
Updated Date - Aug 03 , 2024 | 11:32 PM
