తిరుమలలో నేడు కార్తీక వనభోజనం
ABN, Publish Date - Nov 17 , 2024 | 02:05 AM
తిరుమలలో కార్తీక వనభోజన కార్యక్రమాన్ని శ్రీవారి ఆలయం ముందున్న వైభవోత్సవం మండపంలో ఆదివారం నిర్వహించనున్నారు.
వైభవోత్సవ మండపానికి మారిన వేదిక
తిరుమల, నవంబరు16(ఆంధ్రజ్యోతి): తిరుమలలో కార్తీక వనభోజన కార్యక్రమాన్ని శ్రీవారి ఆలయం ముందున్న వైభవోత్సవం మండపంలో ఆదివారం నిర్వహించనున్నారు. సాధారణంగా పార్వేట మండపంలో నిర్వహించడం ఆనవాయితీ. వర్షాల నేపథ్యంలో ఈసారి వైభవోత్సవ మండపంలో నిర్వహించాలని టీటీడీ నిర్ణయించింది. పవిత్రమైన కార్తీకమాసంలో వనభోజనం నిర్వహించడం టీటీడీకి ఆనవాయితీ. ఇందులో భాగంగా ఉదయం శ్రీవారు ఉభయనాంచారులతో కలిసి వైభవోత్సవ మండపానికి వేంచేపు చేస్తారు. 11 నుంచి 12 గంటల మధ్య స్నపన తిరుమంజనం నిర్వహిస్తారు. అనంతరం స్వామి ఆలయానికి వేంచేపు అవుతారు. ఉత్సవం కారణంగా శ్రీవారి ఆలయంలో కల్యాణోత్సవం, ఊంజల్‌సేవ, ఆర్జిత బ్రహ్మోత్సవం, సహస్రదీపాలంకార సేవలను టీటీడీ రద్దు చేసింది.
Updated Date - Nov 17 , 2024 | 02:05 AM
