రాష్ట్రస్థాయి క్రికెట్‌ జట్టుకు సాహితి ఎంపిక
ABN, Publish Date - Nov 12 , 2024 | 01:16 AM
దేవరపల్లిలోని జడ్పీ హైస్కూల్లో తొమ్మిదో తరగతి చదువుతున్న ఓరుగంటి సాహితి రాష్ట్రస్థాయి క్రికెట్‌ జట్టుకు ఎంపికైనట్టు వ్యాయామ ఉపాధ్యాయుడు ఓరుగంటి నాగ రాజు తెలిపారు.
దేవరపల్లి, నవంబరు 11(ఆంధ్రజ్యోతి): దేవరపల్లిలోని జడ్పీ హైస్కూల్లో తొమ్మిదో తరగతి చదువుతున్న ఓరుగంటి సాహితి రాష్ట్రస్థాయి క్రికెట్‌ జట్టుకు ఎంపికైనట్టు వ్యాయామ ఉపాధ్యాయుడు ఓరుగంటి నాగ రాజు తెలిపారు. ఇటీవల విజయనగరంలో జరిగిన ఎంపిక పోటీల్లో ప్రతిభ కనపరచ డంతో అండర్‌-15 ఆంధ్రా క్రికెట్‌ జట్టుకు ఆమె ఎంపికైనట్టు చెప్పారు. నవంబర్‌ 21 నుంచి 29 వరకు కటక్‌లో జరిగే జాతీయస్థాయి క్రికెట్‌ పోటీల్లో సాహితి పాల్గొంటుందని తెలిపారు. గత ఏడాది డిసెంబర్‌లో వడోదరలో జరిగిన రాష్ట్ర జట్టుకు ఎంపికైందని రాష్ట్ర, జాతీయ స్థాయిల్లో పాల్గొన్నట్టు తెలిపారు. దేవరపల్లి మండలం పల్లంట్లలో జరిగిన ఎస్‌జీఎఫ్‌ అండర్‌-17ను పశ్చిమగోదావరి జిల్లా జట్టుకు కెప్టెన్‌గా వ్యవహరించి మూడోస్థానం సాధించి నట్టు తెలిపారు. రాష్ట్రజట్టుకు ఎంపికైన సాహితిని హెచ్‌ఎం శ్రీలక్ష్మి, పీఎంపీ చైర్మన్‌ వేముల రాజు, ఉపాధ్యాయులు గ్రామస్థులు అభినందించారు.
Updated Date - Nov 12 , 2024 | 01:16 AM
