BJP: ఒంటరిగానే బీజేపీ 370 సీట్లు సాధిస్తుంది... జీవీఎల్ ధీమా
ABN, Publish Date - Mar 31 , 2024 | 12:16 PM
రానున్న లోక్ సభ ఎన్నికల్లో ఒంటరిగానే బీజేపీ(BJP) 370 సీట్లకు పైగా సాధిస్తుందని బీజేపీ ఎంపీ జీవీఎల్ నరసింహ రావు(GVL Narasimha Rao) ధీమా వ్యక్తం చేశారు.
అమరావతి: రానున్న లోక్ సభ ఎన్నికల్లో ఒంటరిగానే బీజేపీ(BJP) 370 సీట్లకు పైగా సాధిస్తుందని బీజేపీ ఎంపీ జీవీఎల్ నరసింహ రావు(GVL Narasimha Rao) ధీమా వ్యక్తం చేశారు. ఆదివారం ఆయన మాట్లాడుతూ..
"ఎన్నికల్లో ధన ప్రవాహం పెరగడం మంచిది కాదు. దక్షిణాది ఎన్నికలో ధన ప్రభావం ఎక్కువగా ఉంది. కేంద్ర ఆర్థిక మంత్రి వ్యాఖ్యలు చూస్తే ఇదే విషయం అర్ధం అవుతుంది. ఉత్తరాది ఎన్నికల్లో ఈ పరిస్థితి లేదు. డబ్బులు ఉన్న వారికి టికెట్ ఇవ్వడం అన్ని పార్టీల్లో ఉంది..ఇది రాజకీయ వేలంగా మారింది. ఎన్నికల్లో ధన ప్రభావం తగ్గాలి. ప్రజల్లో కూడా మార్పు రావాలి. నాకు టికెట్ రాలేదని చాలా మంది ఫోన్ చేసి బాధ పడ్డారు. నాకు వ్యక్తి గతం అంటూ ఏమీ ఉండదు. పార్టీ ఆదేశాల మేరకు పని చేస్తా. జీవీఎల్ ఫర్ వైజాగ్ అనేది నిరంతర ప్రక్రియ. విశాఖ అభివృద్ధి కోసం కృషి చేస్తా. పోటీ చేస్తున్న ప్రతి అభ్యర్థి తాము నియోజకవర్గం లో చేసే పనులను ముందే ప్రజలకు వివరించాలి" అని జీవీఎల్ అన్నారు.
Updated Date - Mar 31 , 2024 | 12:18 PM
