అంగన్వాడీ కేంద్రంలో దోమల నివారణ చర్యలు
ABN, Publish Date - Nov 12 , 2024 | 11:58 PM
మురుగు నీటి కుంటతో అంగన్వాడీ చిన్నారులకు ఇబ్బందులపై మంగళవారం ఆంధ్రజ్యోతిలో ప్రచురితమైన ‘చిత్రం చెప్పిన సమస్య’కు అధికారులు వెంటనే స్పందించారు
చెన్నూరు, నవంబరు 12 (ఆంధ్రజ్యోతి): మురుగు నీటి కుంటతో అంగన్వాడీ చిన్నారులకు ఇబ్బందులపై మంగళవారం ఆంధ్రజ్యోతిలో ప్రచురితమైన ‘చిత్రం చెప్పిన సమస్య’కు అధికారులు వెంటనే స్పందించారు. ఈ మేరకు చెన్నూరు కొత్తగాంధీనగర్‌ అంగన్వాడీ కేంద్రం వద్ద ఉన్న మురుగు నీటి కుంటలో మంగళవారం దోమల నివారణ చర్యలు చేపట్టారు. ఈ సందర్భంగా పంచాయతీ కార్యదర్శి రామసుబ్బారెడ్డి మాట్లాడుతూ ఇకపై ఇబ్బందులు లేకుండా ఎప్పటికప్పుడు పారిశుధ్య చర్యలు చేపడతామన్నారు. నీటి కుంటలో ఆయిల్‌బాల్స్‌, దోమల నివారణ మందులను వేశారు. అంతేకాక నీరు నిల్వ లేకుండా త్వరలో కాల్వను ఏర్పాటు చేస్తామన్నారు. ఈ కార్యక్రమంలో పంచాయతీ సిబ్బంది, ఏఎనఎంలు, ఆశా కార్యకర్తలు తదితరులు పాల్గొన్నారు.
Updated Date - Nov 12 , 2024 | 11:58 PM
