రైతులకు అన్ని సౌకర్యాలతో రైతుబజార్‌ సిద్ధం
ABN, Publish Date - Oct 18 , 2024 | 11:47 PM
రైతులకు అన్ని సౌకర్యాలతో రైతు బజార్‌ సిద్ధం చేశామని వ్యవసాయ మార్కెటింగ్‌శాఖ ఏడీఎం త్యాగరాజు పేర్కొన్నారు.
మదనపల్లె టౌన, అక్టోబరు 18(ఆంధ్రజ్యో తి): రైతులకు అన్ని సౌకర్యాలతో రైతు బజార్‌ సిద్ధం చేశామని వ్యవసాయ మార్కెటింగ్‌శాఖ ఏడీఎం త్యాగరాజు పేర్కొన్నారు. శుక్రవారం స్థానిక రైతు బజార్‌ను పరిశీలించిన ఏడీఎం పలువు రు రైతులతో చర్చించారు. ఈ సందర్భం గా ఆయన మాట్లాడుతూ రైతు బజార్‌ లో రైతులు ఉత్పత్తులు విక్రయించుకునేలా స్టాల్స్‌ ఏర్పాటు చేశామన్నారు. ఆసక్తి గల రైతులు వారి భూమి పాసుపుస్తకాల జిరాక్స్‌, లేదా కౌలు రైతుల సర్టిఫికెట్లతో తమకు దరఖాస్తు చేసుకోవాలన్నారు. రైతు ఉత్పత్తులు తీసుకొచ్చి రైతుబజార్‌లో విక్రయించేవారికి ఎలాంటి గేటు రుసుం, దళారుల కమిషన ఉండవన్నారు. ఈ విషయమై జాయింట్‌ కలెక్టర్‌ ఆదేశాలతో మదన పల్లె చుట్టుపక్కల అన్ని గ్రామాలకు వెళ్లి రైతులకు అవగాహన కల్పిస్తామన్నారు. కార్యక్రమం లో హార్టికల్చర్‌ అధికారి ఈశ్వర్‌రెడ్డి, ప్రకృతివనం ప్రసాద్‌, కంగేరి నంద, రైతులు పాల్గొన్నారు.
Updated Date - Oct 18 , 2024 | 11:47 PM
