వేణుగోపాలస్వామి ఆలయంలో పూజలు
ABN, Publish Date - Sep 28 , 2024 | 11:20 PM
సింహాద్రిపురం వేణుగోపాలస్వామి ఆలయంలో శనివారం వేద పండితులచే విశేష పూజలు నిర్వహించారు.
సింహాద్రిపురం, సెప్టెంబరు 28: సింహాద్రిపురం వేణుగోపాలస్వామి ఆలయంలో శనివారం వేద పండితులచే విశేష పూజలు నిర్వహించారు. స్వామి విగ్రహ ప్రతిష్ఠ జరిగి 41 రోజులు పూర్తి కావడంతో మండల ఆరాధనను పురస్కరించకుని తిరుపతికి చెందిన వేదపండితులు పురుషోత్తమ ఆచార్యులు, రంగనాథ ఆచార్యుల ఆధ్వర్యంలో సుదర్శన హోమం, పూర్ణాహుతి హోమం, మహా మంగళ హారతి నిర్వహించారు. అనంతరం రుక్మిణీ సత్యభామ సమేత వేణుగోపాలస్వామి కల్యాణం నిర్వహించారు. భక్తులు కల్యాణం కన్నులారా చూసి ఆనందించారు. అనంతరం స్వామివారి ఉత్సవ మూర్తులకు ఆలయం చుట్టూ ఊరేగింపు నిర్వహించారు. ఆలయ కమిటీ సభ్యులు వచ్చిన భక్తులకు తీర్థ ప్రసాదములు, అన్నదాన కార్యక్రమం ఏర్పాటు చేశారు. సింహాద్రిపురం వాసులే కాకుండా చుట్టుపక్కల గ్రామాలనుండి అధిక సంఖ్యలో భక్త్తులు పాల్గొన్నారు.
Updated Date - Sep 28 , 2024 | 11:20 PM
