పేరుకే..పంట కాలువ!

వర్షాకాలంలోనూ సాగుకు నీరందక వలివర్తిపాడు రైతుల అవస్థలు

గుర్రపు డెక్క, ఇంగ్లీషు గడ్డితో పూడిక

కాలువలో కలుస్తున్న మురుగునీరు

ఆక్రమణలతో బోదెలా మారిన వైనం

అధికారులు పట్టించుకోవడం లేదంటున్న రైతులు

(ఆంధ్రజ్యోతి-గుడివాడ రూరల్‌)

గుడివాడ పక్క నుంచి మల్లాయిపాలెం, వలివర్తిపాడు, మెరకగూడేనికి వెళ్లే వలివర్తిపాడు పంట కాలువ గుర్రపు డెక్క, తూడు, ఇంగ్లీష్‌ గడ్డితో పూడుకుపోయింది. గుడివాడ మునిసి పాలిటీ, గ్రామాలు, ఫ్యాక్టరీల నుంచి వచ్చే మురుగు వదల డంతో పంట కాలువలోకి మురుగునీరు చేరుతోంది. కాలువలో వ్యర్థాలు పారబోయడం, పూడిక కారణంగా వర్షాకాలంలోనూ నీరు పారక సాగుకు పెట్టుకోలేని దుస్థితి రైతులకు దాపురిం చింది. సమస్య పరిష్కరించాలని ఇరిగేషన్‌ అధికారులకు ఎన్నిసార్లు చెప్పినా పట్టించుకోవటం లేదని ఆయకట్టు రైతాంగం వాపోతోంది.

రెండు వైపులా ఆక్రమణలు

కాలువ గట్లను రెండు వైపులా ఆక్రమించేశారని, పెద్ద కాలువ చిన్న పంట బోదెలా మారిపోయిందని రైతులు చెబు తున్నారు. నీటి పారుదల లేక వందలాది ఎకరాలకు నీరందక ఇబ్బంది పడుతున్నామని, అధికారులు కాలువలో తూడు, గుర్రపుడెక్క, ఆక్రమణలు తొలగించాలని వారు కోరుతున్నారు.

అంచనాలు రూపొందించాం..త్వరలో పనులు

పంటకాలువ పూడికతీత పనులకు అంచనాలు రూపొం దించాం. త్వరలోనే కాలువ మరమ్మతులు చేయిస్తాం. తాత్కా లికంగా కొంత భాగం చేయించాం. రైతులకు ఇబ్బంది లేకుం డా చూస్తాం.

- పవన్‌, ఇరిగేషన్‌ ఏఈ

తాగునీటికీ ఇబ్బందులే..

గ్రామంలో తాగునీటి అవసరాలకు ఈ కాలువను ఉపయోగిస్తాం. మురుగు నీరు రావడంతో తాగునీటికి ఇబ్బంది పడుతున్నాం. గుర్ర పుడెక్క, ఇంగ్లీష్‌ గడ్డి తొలగిం చాలి. మురుగునీరు రాకుండా చూడాలి.

- గుడివాడ దేవపాలన, వలివర్తిపాడు