వైసీపీ మునిగిపోయే నౌక
ABN, Publish Date - Nov 17 , 2024 | 12:59 AM
గుడివాడ నియోజకవర్గ ఇన్‌చార్జిగా నియమితులైన శిష్ట్లాను శనివారం ఓ హోటల్‌లో కాంగ్రెస్‌ పట్టణ శాఖ ఆధ్వర్యంలో ఘనంగా సత్కరించారు.
తిరిగి కాంగ్రెస్‌లోకి రండి.. మాజీ నాయకులకు గుడివాడ ఇన్‌చార్జి శిష్ట్లా పిలుపు
గుడివాడ, నవంబరు 16 (ఆంధ్రజ్యోతి): ‘వైసీపీ పూర్తిగా ఖాళీ అయ్యే రోజులు దగ్గరపడ్డాయి. మునిగిపోయే నౌకలో ప్రయాణించడం, వైసీపీలో కొనసాగడం ఒకటే. వైసీపీలో ఉన్న కాంగ్రెస్‌ మాజీ నాయకులు, ప్రజాప్రతినిధులు, రాజశేఖర్‌రెడ్డి అభిమానులు కాంగ్రెస్‌ పార్టీలోకి తిరిగి రండి.’ అని కాంగ్రెస్‌ పార్టీ గుడివాడ నియోజకవర్గ ఇన్‌చార్జ్‌ శిష్ట్లా దత్తాత్రేయులు పిలుపునిచ్చారు. గుడివాడ నియోజకవర్గ ఇన్‌చార్జిగా నియమితులైన శిష్ట్లాను శనివారం ఓ హోటల్‌లో కాంగ్రెస్‌ పట్టణ శాఖ ఆధ్వర్యంలో ఘనంగా సత్కరించారు. పీసీసీ అధ్యక్షురాలు వైఎస్‌ షర్మిల నియో జకవర్గ ఇన్‌చార్జ్‌గా శిష్ట్లాను నియమించడం అభినందనీయమని, పార్టీకి పూర్వ వైభవం తీసుకువస్తారని సీనియర్‌ నాయకుడు వడ్డాది రాజేష్‌ అన్నారు. కాంగ్రెస్‌ పట్టణాధ్యక్షుడు సదర్ల నాగేంద్ర పాల్గొన్నారు.
Updated Date - Nov 17 , 2024 | 12:59 AM
