కమనీయం శ్రీవారి కల్యాణం
ABN, Publish Date - Nov 11 , 2024 | 12:32 AM
తిరుమల ఆలయంలో శ్రీవారికి జరిగే నిత్య పూజా కైంకర్య వేడుకలను నగర భక్తుల సమక్షంలో నిర్వహించడానికి ఆదివారం నగరంలోని ఎగ్జిబిషన్‌ గ్రౌండ్‌లో వైకుంఠవాసుని ఆర్జిత సేవలు చేపట్టారు.
కర్నూలు కల్చరల్‌, నవంబరు 10(ఆంధ్రజ్యోతి): తిరుమల ఆలయంలో శ్రీవారికి జరిగే నిత్య పూజా కైంకర్య వేడుకలను నగర భక్తుల సమక్షంలో నిర్వహించడానికి ఆదివారం నగరంలోని ఎగ్జిబిషన్‌ గ్రౌండ్‌లో వైకుంఠవాసుని ఆర్జిత సేవలు చేపట్టారు. నగరంలోని సీతారాముల కల్యాణ మహోత్సవ సమితి ఆధ్వర్యంలో నిర్వహించిన ఈ వేడుకల్లో వేలాది భక్తులు పాల్గొన్నారు. ఎగ్జిబిషన్‌ మైదానంలోని ప్రధాన వేదికపై శ్రీదేవి భూదేవి సమేత శ్రీవేంకటేశ్వర స్వామి వార్ల ఉత్సవ మూర్తులను ఏర్పాటు చేసి పూజాదికాలు నిర్వహించారు. రాత్రి జరిగిన శ్రీవారి కల్యాణోత్సవం రాజ్యసభ మాజీ సభ్యుడు టీజీ వెంకటేశ్‌, టీజీ రాజ్యలక్ష్మి దంపతులు నిర్వహించారు. ఈ కార్యక్రమంలో సమితి అధ్యక్ష గౌరవాధ్యక్షుడు కె. క్రిష్టన్న, డాక్టర్‌ ఎం. మోక్షేశ్వరుడు, ఉపాధ్యక్షుడు ఎస్‌జీ మహాబలేష్‌ తిదితరులు పాల్గొన్నారు.
Updated Date - Nov 11 , 2024 | 12:32 AM
