ఎయిర్‌పోర్టులో భద్రతా ఏర్పాట్ల పరిశీలన
ABN, Publish Date - Sep 30 , 2024 | 12:30 AM
ఓర్వకల్లు ఎయిర్‌పోర్టులో భద్రతా ఏర్పాట్లను ఆదివారం ఎస్పీ బిందుమాధవ్‌ పరిశీలించారు.
ఓర్వకల్లు, సెప్టెంబరు 29: ఓర్వకల్లు ఎయిర్‌పోర్టులో భద్రతా ఏర్పాట్లను ఆదివారం ఎస్పీ బిందుమాధవ్‌ పరిశీలించారు. మంగళవారం పత్తికొండ మండ లం పుచ్చకాయలమడ గ్రామంలో జరిగే పింఛన్ల పంపిణీ కార్యక్రమానికి సీఎం చంద్రబాబు రానున్న నేపథ్యంలో ఎస్పీ బిందు మాధవ్‌ ఓర్వకల్లు ఎయిర్‌పోర్టు వద్ద భద్రతా ఏర్పాట్లను పరిశీలించారు. పోలీసు బందోబస్తు తదితర ఏర్పాట్లపై సంబంధిత అధికారులకు పలు సూచనలు, సలహాలు చేశారు. ప్రొటోకాల్‌ ప్రకారం ఏర్పాట్లు చేయాలని అధికారులను ఆదేశించారు. విధులు నిర్వహించే పోలీసులు, స్పెషల్‌ పార్టీ పోలీసు బృందాలు, పోలీసు జాగీలాలు, బాంబ్‌ స్క్వాడ్‌ బృందాలతో పోలీసులు అప్రమత్తంగా ఉండాలన్నారు. ఎస్పీ వెంట ఇం టెలిజెన్స అధికారులు, డీఎస్పీలు, సీఐలు, ఎస్‌ఐలు ఉన్నారు.
Updated Date - Sep 30 , 2024 | 12:30 AM
