రోడ్డు ప్రమాదంలో ముగ్గురి మృతి
ABN, Publish Date - Nov 11 , 2024 | 12:35 AM
కర్నూలు జిల్లా నందవరం మండలంలోని ముగతి, ధర్మాపురం గ్రామాల మధ్య ఆదివారం రాత్రి జరిగిన రోడ్డు ప్రమాదంలో ముగ్గురు మృతి చెందారు.
ఎమ్మిగనూరు/నందవరం, నవంబరు 10(ఆంధ్రజ్యోతి): కర్నూలు జిల్లా నందవరం మండలంలోని ముగతి, ధర్మాపురం గ్రామాల మధ్య ఆదివారం రాత్రి జరిగిన రోడ్డు ప్రమాదంలో ముగ్గురు మృతి చెందారు. ఎమ్మిగనూరు డీఎస్పీ ఉపేంద్రబాబు, నందవరం ఎస్‌ఐ శ్రీనివాసులు ఘటనా స్థలాన్ని పరిశీలించారు. పోలీసులు తెలిపిన వివరాలివీ.. పెద్దకడుబూరు మండలం జాలవాడికి చెందిన దానియేలు(24), కమ్మలదిన్నెకు చెందిన వంశీ(21) ఒకే బైకుపై వెళ్తున్నారు. ఎమ్మిగనూరు మైనార్టీ కాలనీకి చెందిన ఇర్ఫాన్‌(21) ఓ బైకుపై వెళ్తున్నారు. అయితే రెండు బైకులు ఢీకొనడంతో దానియేలు, ఇర్ఫాన్‌ అక్కడిక్కడే మృతి చెందారు. వంశీ పరిస్థితి విషమంగా ఉండడంతో కర్నూలు ప్రభుత్వాసుపత్రికి తరలించారు. అయితే చికిత్స పొందుతూ అతడు కూడా మృతి చెందాడు. నందవరం పోలీసులు కేసు దర్యాప్తు చేస్తున్నారు.
Updated Date - Nov 11 , 2024 | 12:35 AM
