ఏపీఎంఎ స్ఐడీసీ చైర్మన్‌గా చిల్లపల్లి బాధ్యతలు
ABN, Publish Date - Nov 19 , 2024 | 05:59 AM
ఆంధ్రప్రదేశ్ వైద్య సేవలు, మౌలిక సదుపాయాల అభివృద్ధి సంస్థ చైర్మన్‌గా మంగళగిరి నియోజకవర్గ జనసేన పార్టీ ఇన్‌చార్జి చిల్లపల్లి శ్రీనివాసరావు బాధ్యతలు స్వీకరించారు.
మంగళగిరి, నవంబరు 18(ఆంధ్రజ్యోతి): ఆంధ్రప్రదేశ్ వైద్య సేవలు, మౌలిక సదుపాయాల అభివృద్ధి సంస్థ చైర్మన్‌గా మంగళగిరి నియోజకవర్గ జనసేన పార్టీ ఇన్‌చార్జి చిల్లపల్లి శ్రీనివాసరావు బాధ్యతలు స్వీకరించారు. సోమవారం మంగళగిరి ఆటోనగర్‌లోని ఏపీఎంఎస్‌ఐడీసీ కార్యాలయంలో వేదపండితుల మంత్రోచ్ఛరణల నడుమ ఈ కార్యక్రమాన్ని నిర్వహించారు. అధికారులు, కూటమి నాయకులు, కార్యకర్తలు ఆయనకు శుభాకాంక్షలు తెలియజేశారు. ఈ సందర్భంగా చిల్లపల్లి శ్రీనివాసరావు మాట్లాడుతూ ప్రభుత్వ ఆస్పత్రుల్లో కార్పొరేట్‌ తరహా వైద్యం అందించే లక్ష్యంతో పనిచేస్తానన్నారు. తనను ఈ పదవిలో నియమించిన సీఎం చంద్రబాబు, డిప్యూటీ సీఎం పవన్‌ కల్యాణ్‌, మంత్రులు నారా లోకేశ్‌, సత్యకుమార్‌ యాదవ్‌లకు కృతజ్ఞతలు తెలిపారు.
Updated Date - Nov 19 , 2024 | 05:59 AM
