AP News: సీఐ ముందే వ్యక్తిపై దాడి.. అనిగండ్లపాడులో ఉద్రిక్తత
ABN, Publish Date - Jan 05 , 2024 | 11:47 AM
Andhrapradesh: జిల్లాలోని పెనుగంచిప్రోలు మండలం అనిగండ్లపాడులో ఉద్రిక్తత చోటు చేసుకుంది.
ఎన్టీఆర్ జిల్లా: జిల్లాలోని పెనుగంచిప్రోలు మండలం అనిగండ్లపాడులో ఉద్రిక్తత చోటు చేసుకుంది. సీఐ సమక్షంలోనే ఓ వ్యక్తిపై గ్రామస్థుల దాడి దిగారు. సర్పంచ్ జ్యోతికి చెందిన లారీకి గుర్తుతెలియని వ్యక్తులు నిప్పు పెట్టిన ఘటనపై స్థానికుల ఆందోళనకు దిగారు. పోలీసులు అక్కడి చేరుకుని విచారణ చేపట్టారు. అనుమానంతో బోశెట్టి త్రినాథ్ అనే వ్యక్తిని అదుపులోకి తీసుకున్నారు. అతడిని కారులో ఎక్కించుకొని వెళ్తుండగా గ్రామస్థులు అడ్డగించారు.
పోలీసులు వినియోగించిన ప్రైవేటు కారును ధ్వంసం చేసి.. సీఐ, ఎస్సై సమక్షంలోనే త్రినాధ్‌పై స్థానికులు దాడి చేశారు. గ్రామానికి చెందిన బోశెట్టి త్రినాథ్, మరో ఇద్దరు కలిసి తన లారీని దగ్ధం చేశారని సర్పంచ్ జ్యోతి దంపతులు ఆరోపిస్తున్నారు. గత కొంతకాలంగా ఆ ముగ్గురు గ్రామంలో అలజడి సృష్టిస్తూ దొంగతనాలకు పాల్పడుతున్నారన్నారు. గతంలో తమకు చెందిన వరి కోత యంత్రాన్ని కూడా ధ్వంసం చేశారని.. ఆ విషయంపై పోలీసులు ఫిర్యాదులు చేసినా సరిగా పట్టించుకోలేదని ఆరోపించారు. ఇప్పటికైనా పోలీసు యంత్రాంగం కఠిన చర్యలు చేపట్టాలని సర్పంచ్ జ్యోతి దంపతులు డిమాండ్ చేశారు.
మరిన్ని ఏపీ వార్తల కోసం ఇక్కడ క్లిక్ చేయండి...
Updated Date - Jan 05 , 2024 | 11:47 AM
