ఏలూరికి అభినందనలు

ఇంకొల్లు, నవంబరు 20 (ఆంధ్రజ్యోతి) : ఎమ్మెల్యే ఏలూరి సాంబశివరావును బుధవారం ఇంకొల్లు టీడీపీ నాయకులు తాడేపల్లిలో కలిసారు. విజనరీ లీడర్‌ అవార్డును పొందిన సందర్భంగా ఏలూరిని కలిసి పుష్పగుచ్ఛమిచ్చి శుభాకాంక్షలు తెలిపారు. కేక్‌ కట్‌ చేసి ఆనందాన్ని పంచుకున్నారు. కార్యక్రమంలో టీడీపీ మండల నాయకులు హనుమంతరావు, శ్రీనివాసరావు, పట్టణపార్టీ అధ్యక్షుడు మార్కు, జడ్పీటీసీ మాజీ సభ్యుడు వెంకట్రావు, శ్రీనివాసరావు, రఫీ, శ్రీను, మీరావలి పాల్గొన్నారు.

చినగంజాం : విజనరీ లీడర్‌ అవార్డు గ్రహీత ఎమ్మెల్యే ఏలూరి సాంబశివరావుకి పెదగంజాం టీడీపీ నాయకులు బుధవారం అభినందనలు తెలిపారు. ఎమ్మెల్యే ఏలూరి విజనరీ అవార్డు పొందిన సందర్భంగా పెదగంజాం గ్రామంలోని టీడీపీ కార్యాలయంలో తెలుగు రైతు కార్యనిర్వాహక కార్యదర్శి ఆసోది సుబ్బారెడ్డి ఆధ్వర్యంలో నాయకులు కేకు కట్‌ చేశారు. అనంతరం నాయకులకు, కార్యకర్తలకు పంచిపెట్టారు. భవిష్యత్‌ ఎమ్మెల్యే ఏలూరి మరెన్నో అత్యున్నత పదువులు, అవార్డులు పొందాలని ఆకాంక్షించారు. కార్యక్రమంలో గ్రామ సర్పంచ్‌ నక్కల కృష్ణ, గ్రామ పార్టీ అధ్యక్షులు ఆసోది అంజిరెడ్డి, గ్రామ పంచాయతీ పరిధిలోని నాయకులు, కార్యకర్తలు పాల్గొన్నారు.