రాష్ట్రస్థాయి పోటీలకు ఎంపికైన దొనకొండ విద్యార్థులు
ABN, Publish Date - Nov 14 , 2024 | 11:02 PM
జడ్పీ ఉన్నత పాఠశాలకు చెందిన విద్యార్థులు అండర్‌ 14, అండర్‌ 17 విభాగాల్లో రాష్ట్రస్థాయి పోటీలకు ఎంపికైనట్లు ఫిజికల్‌ డైరెక్టర్‌ కె.నర్సింహారావు తెలిపారు. స్కూల్‌ గేమ్స్‌ ఫెడరేషన్‌ సమాఖ్య ఆధ్వర్యంలో ఈనెల 13న చీమకుర్తి ప్రభుత్వ ఉన్నత పాఠశాలలో ఎంపిక పోటీలు జరిగాయి.
దొనకొండ, నవంబరు 14(ఆంధ్రజ్యోతి): స్థానిక జడ్పీ ఉన్నత పాఠశాలకు చెందిన విద్యార్థులు అండర్‌ 14, అండర్‌ 17 విభాగాల్లో రాష్ట్రస్థాయి పోటీలకు ఎంపికైనట్లు ఫిజికల్‌ డైరెక్టర్‌ కె.నర్సింహారావు తెలిపారు. స్కూల్‌ గేమ్స్‌ ఫెడరేషన్‌ సమాఖ్య ఆధ్వర్యంలో ఈనెల 13న చీమకుర్తి ప్రభుత్వ ఉన్నత పాఠశాలలో ఎంపిక పోటీలు జరిగాయి. సాఫ్ట్‌బాల్‌లో ప్రతిభ కనబర్చి రాష్ట్రస్థాయి పోటీలకు ఎంపికైనట్లు తెలిపారు. అండర్‌ 14 విభాగంలో 9వ తరగతి విద్యార్థి పీవీల్‌ నారాయణ, 7వ విదార్థి శివశంకర్‌రెడ్డి, అండర్‌ 17 విభాగంలో 9వ తరగతి విద్యార్థి కె.భానుప్రణీత్‌, పదో తరగతి విద్యార్థులు బి.చంద్రశేఖర్‌, జి.సుమిత్ర, జి. గంగాభవాని ఎంపికైనట్లు తెలిపారు. త్వరలో జరగనున్న రాష్ట్రస్థాయి పోటీల్లో ప్రకాశం జిల్లా జట్టు తరుపున వీరు పాల్గొంటారని పేర్కొన్నారు. రాష్ట్రస్థాయి పోటీలకు ఎంపికైన విద్యార్థులను హెచ్‌ఎం రామాంజనేయులు, ఉపాధ్యాయులు అభినందించారు.
Updated Date - Nov 14 , 2024 | 11:02 PM
