మద్యం మత్తులో యువకుడి ఆత్మహత్య
ABN, Publish Date - Nov 11 , 2024 | 11:02 PM
టంగుటూరు మండలంలోని కొణిజేడుకు చెందిన చిన్నకత్తుల వల్లూరయ్య (38) మద్యం మత్తులో ఆదివారం రాత్రి ఆత్మహత్య చేసుకున్నాడు.
టంగుటూరు, నవంబరు 11 (ఆంధ్రజ్యోతి) : మండలంలోని కొణిజేడుకు చెందిన చిన్నకత్తుల వల్లూరయ్య (38) మద్యం మత్తులో ఆదివారం రాత్రి ఆత్మహత్య చేసుకున్నాడు. పోలీసుల కథనం ప్రకారం.. వల్లూరయ్య కూలి పనులు చేస్తుంటాడు. ఆదివారం రాత్రి ఆయనకు రావాల్సిన డబ్బులు రూ.5వేలు వచ్చాయి. వాటితో పూటుగా మద్యం సేవించి ఇంటికి వచ్చాడు. భార్యప్రశ్నించడంతో ఆమెతో వాగ్వివాదానికి దిగాడు. అర్ధరాత్రి ఇంటికప్పునకు ఉన్న రాడ్‌కు చీరతో ఉరేసుకొని ఆత్మహత్య చేసుకున్నాడు. ఈమేరకు వల్లూరయ్య భార్య పోలీసులకు ఫిర్యాదు చేయడంతో కేసు నమోదు చేశారు.
Updated Date - Nov 11 , 2024 | 11:02 PM
