ఎస్పీ అట్టాడ బాబూజీపై చర్యలు తీసుకోండి
ABN, Publish Date - May 16 , 2024 | 03:48 AM
నాగార్జున యూనివర్సిటీలో స్ట్రాంగ్‌రూమ్‌ వద్ద ఎన్నికల నిబంధనలను ఉల్లంఘించి పార్టీ నిర్వహించిన సీఎం సెక్యూరిటీ గ్రూప్‌ ఎస్పీ అట్టాడ బాబూజీపై
స్ట్రాంగ్‌రూం వద్ద కోడ్‌ ఉల్లంఘన.. ఈసీకి చంద్రబాబు ఫిర్యాదు
అమరావతి, మే 15(ఆంధ్రజ్యోతి): నాగార్జున యూనివర్సిటీలో స్ట్రాంగ్‌రూమ్‌ వద్ద ఎన్నికల నిబంధనలను ఉల్లంఘించి పార్టీ నిర్వహించిన సీఎం సెక్యూరిటీ గ్రూప్‌ ఎస్పీ అట్టాడ బాబూజీపై కఠిన చర్యలు తీసుకోవాలని టీడీపీ అధినేత చంద్రబాబు ఎన్నికల కమిషన్‌కు ఫిర్యాదు చేశారు. ఎన్నికల నియమావళికి విరుద్ధంగా సిద్ధం పోస్టర్లు, అధికార వైసీపీ పాటలతో పార్టీ నిర్వహించారన్నారు. ఈ పార్టీలో 450 మందికి పైగా పోలీసు అధికారులు పాల్గొన్నారని తెలిపారు. ఈ నెల 14న స్ట్రాంగ్‌ రూం సమీపంలోని డాక్టర్‌ ఎస్‌ జాన్‌ డేవిడ్‌ ఆడిటోరియం కం సెమినార్‌ హాల్లో పార్టీ నిర్వహించారన్నారు. స్ట్రాంగ్‌రూమ్‌ వద్ద పటిష్ఠ బందోబస్తు ఏర్పాటు చేయాలని రాష్ట్ర ఎన్నికల ప్రధానాధికారిని చంద్రబాబు కోరారు.
Updated Date - May 16 , 2024 | 07:15 AM
