135 కిలోల గంజాయి స్వాధీనం
ABN, Publish Date - Nov 19 , 2024 | 11:24 PM
మండలంలోని దిగుడుపుట్టు కూడలి వద్ద సోమవారం సాయంత్రం పోలీసులు 135 కిలోల గంజాయిని స్వాధీనం చేసుకుని, నలుగురిని అరెస్టు చేశారు.
నలుగురి అరెస్టు
నిందితుల్లో ఒకరు బాలుడు
హుకుంపేట, నవంబరు 19(ఆంధ్రజ్యోతి): మండలంలోని దిగుడుపుట్టు కూడలి వద్ద సోమవారం సాయంత్రం పోలీసులు 135 కిలోల గంజాయిని స్వాధీనం చేసుకుని, నలుగురిని అరెస్టు చేశారు. ఈ కేసుకు సంబంధించి స్థానిక ఎస్‌ఐ సురేశ్‌ మంగళవారం తెలిపిన వివరాలు ఇలా వున్నాయి. మండలంలో దిగుడుపుట్టు కూడలి వద్ద పోలీసులు తనిఖీలు చేపడుతున్న క్రమంలో ఓ కారు, దానికి పైలట్‌గా ఒక బైక్‌పై ఇద్దరు వ్యక్తులు వేగంగా వచ్చి పోలీసులను చూసి కంగారు పడుతుండడంతో వారిని పట్టుకున్నారు. కారులో 3 బస్తాల్లోని 135 కిలోల గంజాయి ఉందని గుర్తించారు. గంజాయిని స్వాధీనం చేసుకుని, నలుగురిని అరెస్టు చేశారు. ఇందులో ఒకరు బాలుడు కావడం విశేషం. వీరంతా ఒడిశా రాష్ట్రం మల్కన్‌గిరి జిల్లా తెంతులుగుడ వాసులుగా గుర్తించామని ఎస్‌ఐ పేర్కొన్నారు.
Updated Date - Nov 19 , 2024 | 11:24 PM
