బైక్‌ రేసులపై పోలీసుల స్పెషల్‌డ్రైవ్‌
ABN, Publish Date - Nov 18 , 2024 | 12:34 AM
నగరంలో బైక్‌రేస్‌ల నియంత్రణలో భాగంగా త్రీటౌన్‌ పోలీసులు శనివారం రాత్రి బీచ్‌ రోడ్డులో స్పెషల్‌డ్రైవ్‌ నిర్వహించారు.
45 ద్విచక్ర వాహనాలు స్వాధీనం
విశాఖపట్నం, నవంబరు 17 (ఆంధ్రజ్యోతి):
నగరంలో బైక్‌రేస్‌ల నియంత్రణలో భాగంగా త్రీటౌన్‌ పోలీసులు శనివారం రాత్రి బీచ్‌ రోడ్డులో స్పెషల్‌డ్రైవ్‌ నిర్వహించారు. ఈస్ట్‌ సబ్‌డివిజన్‌ ఏసీపీ కె.లక్ష్మణమూర్తి ఆదేశాల మేరకు త్రీటౌన్‌ సీఐ పి.రమణయ్య ఆధ్వర్యంలో తొమ్మిది ప్రత్యేక బృందాలు ఈనెల 16న రాత్రి బీచ్‌రోడ్డుతోపాటు పలు ప్రధాన రోడ్లపై తనిఖీలు నిర్వహించారు. ఈ సందర్భంగా రేసింగ్‌లకు పాల్పడుతున్నవారు, భారీ శబ్దం కలిగించే మాడిఫైడ్‌ సైలెన్సర్లతో ఇబ్బంది కలిగిస్తున్నవారిని అదుపులోకి తీసుకున్నారు. 45 బైక్‌లను స్వాధీనం చేసుకుని స్టేషన్‌కు తరలించారు. పట్టుబడిన యువకుల తల్లిదండ్రులకు కౌన్సెలింగ్‌ ఇచ్చారు.
Updated Date - Nov 18 , 2024 | 12:35 AM
