పూడిమడక హార్బర్‌ పనులను పరిశీలించిన కలెక్టర్‌
ABN, Publish Date - Nov 19 , 2024 | 11:23 PM
పూడిమడక హార్బర్‌ నిర్మాణ పనులను జిల్లా కలెక్టర్‌ విజయకృష్ణన్‌ మంగళవారం పరిశీలించారు. తొలుత పూడిమడక - లోవపాలెం ప్రధాన రహదారి నుంచి హార్బర్‌ ప్రాంతం వరకు వేసిన రోడ్డుతోపాటు తీరంలో నిర్మాణంలో వున్న అంతర్గత రోడ్ల నిర్మాణ పనులను ఆమె సందర్శించారు.
అచ్యుతాపురం నవంబరు 19 (ఆంధ్రజ్యోతి): పూడిమడక హార్బర్‌ నిర్మాణ పనులను జిల్లా కలెక్టర్‌ విజయకృష్ణన్‌ మంగళవారం పరిశీలించారు. తొలుత పూడిమడక - లోవపాలెం ప్రధాన రహదారి నుంచి హార్బర్‌ ప్రాంతం వరకు వేసిన రోడ్డుతోపాటు తీరంలో నిర్మాణంలో వున్న అంతర్గత రోడ్ల నిర్మాణ పనులను ఆమె సందర్శించారు. హర్బర్‌ ప్లానింగ్‌ నమూనాను స్థానిక అధికారులు ఆమెకు చూపి వివరాలు తెలిపారు. ఈ నెల 29వ తేదీన పూడిమడక సమీపంలో ఎన్‌టీసీపీ గ్రీన్‌ హైడ్రోజన్‌ హబ్‌ నిర్మాణానికి ప్రధాని నరేంద్ర మోదీ శంకుస్థాపన చేయనున్నారు. ఈ కార్యక్రమానికి ముఖ్యమంత్రి చంద్రబాబునాయుడతోపాటు మంత్రులు, ఉన్నతాధికారులు హాజరుకానున్నారు. దీనికి సమీపంలో వున్న పూడిమడక హార్బర్‌ నిర్మాణ పనులను సీఎం, అధికారులు పరిశీలించే అవకాశం వుందని భావిస్తున్నారు. ఈ నేపథ్యంలో జిల్లా కలెక్టర్‌ హార్బర్‌ నిర్మాణ పనులను పరిశీలించినట్టు తెలిసింది.
Updated Date - Nov 19 , 2024 | 11:23 PM
