డిగ్రీ కళాశాల ఏర్పాటు చేయండి
ABN, Publish Date - Nov 16 , 2024 | 11:50 PM
కొత్తవలసలో ప్రభుత్వ డిగ్రీ కళాశాల ఏర్పాటు చేయండి. పేద, మద్య తరగతి కుటుంబాలకు ఇదెంతో కీలకం. ఈ కళాశాల కోసం ఎప్పటి నుంచో ప్రయత్నాలు జరుగుతున్నాయి. అధికారంలో వున్న కూటమి ప్రభుత్వంలో విద్యాశాఖా మంత్రి నారా లోకేశ్‌ సహకారంతో పునాదిరాయి పడుతుందని ఆశపడుతున్నాం.
డిగ్రీ కళాశాల ఏర్పాటు చేయండి
శాసనసభలో ఎస్‌.కోట ఎమ్మెల్యే లలితకుమారి
శృంగవరపుకోట, నవంబరు 16(ఆంధ్రజ్యోతి): ‘కొత్తవలసలో ప్రభుత్వ డిగ్రీ కళాశాల ఏర్పాటు చేయండి. పేద, మద్య తరగతి కుటుంబాలకు ఇదెంతో కీలకం. ఈ కళాశాల కోసం ఎప్పటి నుంచో ప్రయత్నాలు జరుగుతున్నాయి. అధికారంలో వున్న కూటమి ప్రభుత్వంలో విద్యాశాఖా మంత్రి నారా లోకేశ్‌ సహకారంతో పునాదిరాయి పడుతుందని ఆశపడుతున్నాం. ఐదు ఎకరాల స్థలం అందుబాటులో వుంది. ఇక్కడ ప్రభుత్వ డిగ్రి కళాశాల ఏర్పాటు చేస్తే ఈ మండలంతో పాటు ఆనుకుని వున్న అనకాపల్లి జిల్లా మాడుగుల నియోజకవర్గానికి చెందిన ఐదు మండలాల విద్యార్ధులకు ఉపయోగంగా వుంటుంది. ప్రభుత్వ డిగ్రి కళాశాల లేకపోవడంతో వీరంతా విశాఖపట్నం వెళ్లాల్సి వస్తోంది. మీ ద్వారా ప్రభుత్వ డిగ్రీ కళాశాల మంజూరుకు మంత్రి లోకేశ్‌ను కోరుతున్నాం’ అంటూ శనివారం శాసనసభలో శృంగవరపుకోట ఎమ్మెల్యే కోళ్ల లలితకుమారి స్పీకర్‌ను కోరారు.
Updated Date - Nov 16 , 2024 | 11:50 PM
