హర హర మహాదేవ
ABN, Publish Date - Nov 18 , 2024 | 11:47 PM
కార్తీకమాసం మూడో సోమవారం సందర్భంగా జిల్లాలో శివాలయాలన్నీ భక్తులతో కిటకిటలాడాయి. అంతటా శివనామస్మరణ మార్మోగింది. వేకువజామునే పుణ్యస్నానాలు ఆచరించిన భక్తులు నేరుగా శైవ క్షేత్రాలు, గుహాలయాలకు చేరుకున్నారు.
భక్తిశ్రద్ధలతో కార్తీక మూడో సోమవారం పూజలు
పార్వతీపురం, నవంబరు18 (ఆంధ్రజ్యోతి)
కార్తీకమాసం మూడో సోమవారం సందర్భంగా జిల్లాలో శివాలయాలన్నీ భక్తులతో కిటకిటలాడాయి. అంతటా శివనామస్మరణ మార్మోగింది. వేకువజామునే పుణ్యస్నానాలు ఆచరించిన భక్తులు నేరుగా శైవ క్షేత్రాలు, గుహాలయాలకు చేరుకున్నారు. గంటల తరబడి క్యూలో నిరీక్షించారు. అనంతరం ప్రత్యేక అలంకరణలో ఉన్న శివయ్యను దర్శించుకుని పులకించిపోయారు. విశేష పూజలు, అర్చనలు, అభిషేకాలు చేశారు. శివునికి ప్రీతికరమైన రోజు కావడంతో రుద్రాభిషేకాలతో పాటు సాలిగ్రామ దానాలు చేశారు. మహిళలు ఉపవాస దీక్షలు చేపట్టారు. సాయంత్రం ఆలయాలకు చేరుకుని దీపారాధనలు చేశారు. ఇళ్లలోనూ నోములు, వ్రతాలు నిర్వహించారు. మొత్తంగా జిల్లా అంతటా ఆధ్యాత్మిక శోభ వెల్లివిరిసింది.
Updated Date - Nov 18 , 2024 | 11:47 PM
