ఇదేనా రాజ్యాంగ నిర్మాతకు ఇచ్చే గౌరవం?
ABN, Publish Date - Dec 02 , 2024 | 11:57 PM
వీరఘట్టం మెయిన్‌ రోడ్డులో గతంలో అంబేడ్కర్‌ విగ్రహం ఉండేది.
వీరఘట్టం, డిసెంబరు 2 (ఆంధ్రజ్యోతి): వీరఘట్టం మెయిన్‌ రోడ్డులో గతంలో అంబేడ్కర్‌ విగ్రహం ఉండేది. ఈ జంక్షన్‌ను అంబేడ్కర్‌ జంక్షన్‌ అని పిలిచేవారు. అయితే గతంలో రోడ్డు విస్తరణలో భాగంగా ఈ విగ్రహాన్ని అక్కడి నుంచి తొలగించారు. రోడ్డు నిర్మాణం పూర్తయి సుమారు ఏడు నెలలు కావస్తున్నా ఆ విగ్రహాన్ని తిరిగి పునరుద్ధరించలేదు. ఈనేపథ్యంలో కేవీపీఎస్‌ నాయకులు సోమవారం ఆ జంక్షన్‌ను పరిశీలించారు. రోడ్డు నిర్మాణం పూర్తయినా విగ్రహాన్ని పునరుద్ధరించలేదని ఆందోళన వ్యక్తం చేశారు. కనీసం విగ్రహాన్ని కూడా సక్రమంగా భద్రపర్చలేదన్నారు. ఇదేనా.. రాజ్యాంగ నిర్మాతకు ఇచ్చే గౌరవం అని ప్రశ్నించారు. ఈ కార్యక్రమంలో కేవీపీఎస్‌ నాయకులు కె.సింహాచలం, శశిభూణ్‌ పాల్గొన్నారు.
Updated Date - Dec 02 , 2024 | 11:57 PM
