మంత్రాలయం గడ్డపై టీడీపీ జెండా ఎగురవేస్తాం
ABN, Publish Date - Mar 24 , 2024 | 12:21 AM
నియోజకవర్గంలో టీడీపీ అఖండ విజయం సాధించి మంత్రాలయం గడ్డపై టీడీపీ జెండా ఎగురవేస్తామని నియోజకవర్గ టీడీపీ ఇన్‌చార్జి పాలకుర్తి తిక్కారెడ్డి అన్నారు.
నియోజకవర్గ టీడీపీ ఇన్‌చార్జి తిక్కారెడ్డి
పార్టీ మారే ఆలోచన లేదు.. పుకార్లను నమ్మొద్దు
మంత్రాలయం, మార్చి 23: నియోజకవర్గంలో టీడీపీ అఖండ విజయం సాధించి మంత్రాలయం గడ్డపై టీడీపీ జెండా ఎగురవేస్తామని నియోజకవర్గ టీడీపీ ఇన్‌చార్జి పాలకుర్తి తిక్కారెడ్డి అన్నారు. శనివారం స్థానిక టీడీపీ కార్యాలయంలో టీడీపీ రాష్ట్ర కార్యదర్శి శ్రీనివాసరెడ్డి, మండల కన్వీనర్‌ పన్నగ వెంకటేశ్‌ స్వామి అధ్యక్షతన మాలపల్లి, చౌలహల్లి, సుంకేశ్వరి, పరమాన్‌దొడ్డి, పెద్దకడుబూరు మండలంలోని గవిగట్టు, కల్లుకుంట గ్రామాలకు చెందిన టీడీపీ నాయకులతో తిక్కారెడ్డి సమీక్ష సమావేశం నిర్వహించారు. కొంతమంది పనిగట్టుకుని కాంగ్రెస్‌ పార్టీలో చేరుతున్నారంటూ పుకార్లు సృష్టిస్తున్నారని, పార్టీ మారే ప్రసక్తే లేదని, వదంతులు నమ్మవద్దని ఆయన సూచించారు. టీడీపీ గెలుపునకు నాయకులు, కార్యకర్తలు కష్టపడి పని చేసి వైసీపీని ఇంటికి సాగనంపాలని కోరారు. తెలుగు యువత నియోజకవర్గ అధ్యక్షుడు సుదీర్‌ రెడ్డి, రాష్ట్ర తెలుగు రైతు కార్యదర్శి బూదూరు మల్లికార్జున రెడ్డి పాల్గొన్నారు.
Updated Date - Mar 24 , 2024 | 12:21 AM
