Tata Capital : ఆర్బిక్యులర్‌ ఫార్మాలో రూ.165 కోట్ల పెట్టుబడులు
ABN, Publish Date - Jun 01 , 2024 | 04:53 AM
టాటా క్యాపిటల్‌ నిర్వహణలోని టాటా క్యాపిటల్‌ హెల్త్‌కేర్‌ ఫండ్‌-2 హైదరాబాద్‌ కంపెనీలపై దృష్టి పెట్టింది. ఇందులో భాగంగా హైదరాబాద్‌ కేంద్రంగా పని చేసే ఆర్బిక్యులర్‌ ఫార్మాస్యూటికల్‌
టాటా క్యాపిటల్‌
హైదరాబాద్‌ (ఆంధ్రజ్యోతి బిజినెస్): టాటా క్యాపిటల్‌ నిర్వహణలోని టాటా క్యాపిటల్‌ హెల్త్‌కేర్‌ ఫండ్‌-2 హైదరాబాద్‌ కంపెనీలపై దృష్టి పెట్టింది. ఇందులో భాగంగా హైదరాబాద్‌ కేంద్రంగా పని చేసే ఆర్బిక్యులర్‌ ఫార్మాస్యూటికల్‌ టెక్నాలజీ్‌సలో 2 కోట్ల డాలర్ల (సుమారు రూ.166.84 కోట్లు) పెట్టుబడులు పెట్టింది. అయితే కంపెనీ ఈక్విటీలో ఇది ఎంత వాటాకు సమానమనే విషయాన్ని రెండు కంపెనీలు వెల్లడించలేదు. ఆర్బిక్యులర్‌ ఫార్మా క్లిష్టమైన జెనరిక్‌ ఔషధాల అభివృద్ధిలో నిమగ్నమై ఉంది. ఈ క్లిష్టమైన జెనరిక్‌ ఔషధాలకు అమెరికా, తదితర దేశాల్లో మంచి మార్కెట్‌ ఉంది. అంతర్జాతీయ భాగస్వామ్యాలను మరింత పటిష్ఠం చేసుకోవటానికి హెల్త్‌కేర్‌ ఫండ్‌ పెట్టుబడులు ఎంతగానో ఉపయోగపడతాయని ఆర్బిక్యులర్‌ ఫార్మా ఎండీ ఎంఎస్‌ మోహన్‌ తెలిపారు.
Updated Date - Jun 01 , 2024 | 04:53 AM
