హైటెక్‌ సిటీలో మరో స్టార్‌ హోటల్‌
ABN, Publish Date - Nov 14 , 2024 | 03:22 AM
హైదరాబాద్‌ హైటెక్‌ సిటీ ప్రాంతంలో మరో స్టార్‌ హోటల్‌ ఏర్పాటు కానుంది. మారియట్‌ ఇంటర్నేషనల్‌తో కలిసి దేశీయ హోటల్స్‌ దిగ్గజం సంఫి హోటల్స్‌ ఈ స్టార్‌ హోటల్‌ను ఏర్పాటు...
హైదరాబాద్‌: హైదరాబాద్‌ హైటెక్‌ సిటీ ప్రాంతంలో మరో స్టార్‌ హోటల్‌ ఏర్పాటు కానుంది. మారియట్‌ ఇంటర్నేషనల్‌తో కలిసి దేశీయ హోటల్స్‌ దిగ్గజం సంఫి హోటల్స్‌ ఈ స్టార్‌ హోటల్‌ను ఏర్పాటు చేయనుంది. హైదరాబాద్‌తో పాటు బెంగళూరులోని వైట్‌ఫీల్డ్‌ ప్రాంతంలోనూ రెండు స్టార్‌ హోటళ్లు ఏర్పాటు చేస్తారు. దీనికి సంబంధించి రెండు సంస్థల మధ్య ఒక ఒప్పందం కుదిరింది. ఈ మూడు స్టార్‌ హోటళ్లు 2026-28లో ప్రారంభమవుతాయి. ఈ మూడు హోటళ్ల ఏర్పాటుతో ఈ రెండు నగరాల్లో 568 గదులు అందుబాటులోకి వస్తాయి. మారియట్‌ ఇంటర్నేషనల్‌ ఇప్పటికే మన దేశంలో 153 హోటళ్లను నిర్వహిస్తోంది.
Updated Date - Nov 14 , 2024 | 03:22 AM
