November: నవంబర్‌‌లో బ్యాంకులకు ఎన్ని రోజులు సెలవులంటే..?

నవంబర్ మాసం ప్రారంభమైంది. ఆదివారంతోపాటు రెండు, నాలుగు శనివారాలు బ్యాంకులకు సెలవులే. ఇవి కాకుండా ఈ మాసంలో వచ్చే పండగలతోపాటు వివిధ సందర్భాల్లో బ్యాంకులకు సెలవులున్నాయి. అందుకు సంబంధించిన జాబితాను రిజర్వ్ బ్యాంక్ ఆఫ్ ఇండియా (ఆర్‌బీఐ) శుక్రవారం ముంబయిలో విడుదల చేసింది. ఈ మాసంలో బ్యాంకులకు మొత్తం 12 రోజులు సెలవు ఉన్నాయని తెలిపింది. దేశంలోని వివిధ రాష్ట్రాల్లోని ప్రభుత్వ రంగ బ్యాంకులకు సెలవులను ఈ సందర్భంగా ఆర్‌బీఐ వివరించింది.

నవంబర్ 1: దీపావళి సందర్భంగా త్రిపుర, కర్ణాటక, ఉత్తరాఖండ్, జమ్ము కశ్మీర్, మహారాష్ట్ర, మేఘాలయ, సిక్కిం, మణిపూర్‌లోని బ్యాంకులకు సెలవు. ఇక కర్ణాటకలో నవంబర్ 1వ తేదీని రాష్ట్ర అవతరణ దినోత్సవంగా జరుపుకుంటారు. ఈ నేపథ్యంలో ఆ రాష్ట్రంలోని అన్ని బ్యాంకులకు సెలవు ప్రకటించింది.

నవంబర్ 2: దీపావళి, లక్ష్మీ, గోవర్ధన్ పూజల కారణంగా.. గుజరాత్, మహారాష్ట్ర, కర్ణాటక, రాజస్థాన్, సిక్కిం, ఉత్తరాఖండ్, ఉత్తరప్రదేశ్ తదితర రాష్ట్రాల్లోని బ్యాంకులకు ఈ రోజు సెలవు దినంగా పేర్కొంది.

నవంబర్ 3: ఆదివారం కావడంతో దేశవ్యాప్తంగా అన్ని రాష్ట్రాలతోపాటు కేంద్ర పాలిత ప్రాంతాల్లోని బ్యాంకులు సైతం మూసి వేసి ఉంటాయన్న సంగతి తెలిసిందే.

నవంబర్ 7: చాత్ పండగ నేపథ్యంలో పశ్చిమ బెంగాల్, బిహార్, జార్ఖండ్ తదితర రాష్ట్రాల్లోని బ్యాంకులు మూసి ఉంటాయి.

నవంబర్ 8: వంగల పండగ కారణంగా బిహార్, జార్ఖండ్, మేఘాలయ రాష్ట్రాల్లోని బ్యాంకులకు సెలవు.

నవంబర్ 9: రెండో శనివారం

నవంబర్ 10: ఆదివారం

నవంబర్ 15: కార్తీక పౌర్ణమితోపాటు గురునానక్ జయంతి. దీంతో మిజోరాం, మహారాష్ట్ర, మధ్యప్రదేశ్, ఒడిశా, ఛండీగఢ్, ఉత్తరాఖండ్, తెలంగాణ, అరుణాచల్ ప్రదేశ్, రాజస్థాన్, జమ్ము, ఉత్తరప్రదేశ్, నాగాలాండ్, పశ్చిమబెంగాల్, న్యూఢిల్లీ, ఛత్తీస్‌గఢ్, జార్ఖండ్, హిమాచల్‌ప్రదేశ్, శ్రీనగర్‌లోని అన్ని బ్యాంకులకు సెలవు.

నవంబర్ 17: ఆదివారం

నవంబర్ 18: కనకాదాసు జయంతి. ఈ నేపథ్యంలో కర్ణాటకలోని అన్ని బ్యాంకులకు సెలవు.

నవంబర్ 23: నాలుగో శనివారం. అదీకాక సెంగ్ కుట్స్నెమ్. దీంతో మేఘాలయాలోని అన్ని బ్యాంకులకు సెలవు.

నవంబర్ 24: ఆదివారం.

For National News And Telugu News