Anant Ambani: అనంత్ అంబానీ కుర్తాపై ఎమరాల్డ్ డైమండ్.. ధర ఎంతో తెలుసా..

ఆసియాలోనే అత్యంత ధనవంతుడైన ముఖేష్ అంబానీ చిన్న కుమారుడు అనంత్ అంబానీ(Anant Ambani), రాధిక మర్చంట్‌లు(radhika merchant) ఈరోజు వివాహం చేసుకోనున్నారు. లగ్న ముహూర్తం ప్రకారం ఈరోజు రాత్రి 9:30 గంటలకు వీరిద్దరూ పెళ్లి చేసుకోనున్నారు. ఇప్పటికే ఈ పెళ్లి వేడుకలో పాల్గొనేందుకు అనేక మంది ప్రముఖులు, సినీ సెలబ్రిటీలు ముంబై చేరుకోగా, జియో వరల్డ్ కన్వెన్షన్ సెంటర్‌లో ఈ వేడుక కార్యక్రమాలు జరుగుతున్నాయి. అయితే ఈ క్రమంలోనే అనంత్ అంబానీ ధరించిన ఓ కుర్తా గురించి ప్రస్తుతం చర్చనీయాంశంగా మారింది.

జూలై 9, 2024న అంబానీ కుటుంబం అనంత్ అంబానీ, రాధిక మర్చంట్ 'మోసలు' వేడుకను నిర్వహించారు. అందుకు సంబంధించిన చిత్రాన్ని ప్రముఖ గాయకుడు కింజల్ దవే సోషల్ మీడియాలో పంచుకున్నారు. ఈవెంట్ కోసం అనంత్ సిల్క్ ఫుల్ స్లీవ్ కుర్తాతో మ్యాచింగ్ ప్యాంట్, అలంకరించబడిన జాకెట్ ధరించారు. ఆ క్రమంలో ఆయన అతని జాకెట్‌లోని ఆరు బటన్ల మధ్యలో వజ్రాలు, పచ్చలతో అందంగా పొదిగిన డైమండ్ ఉందని తెలిపారు.

జనవరి 2023లో జరిగిన తన సాంప్రదాయ నిశ్చితార్థం లేదా 'స్వర్ణాహుతి' వేడుకలో అనంత్ దీనిని ధరించారు. కస్టమైజ్ చేసిన పాంథర్ బ్రూచ్ ఆయన ప్రియమైన సోదరుడు ఆకాష్ అంబానీ నుంచి బహుమతిగా అనంత్ స్వీకరించాడు. అది 18K తెల్ల బంగారంతో తయారు చేయబడింది. 51 నీలమణిలు, రెండు పచ్చల కూడిన వజ్రాలతో తయారుచేయబడి ఉంది. నివేదికల ప్రకారం Panthere de Cartier brooch విలువ దాదాపు రూ. 1.3 కోట్లు(162,000 డాలర్లు) ఉంటుందని తెలుస్తోంది.

కార్టియర్ బ్రూచ్‌ని అతని సోదరుడు ఆకాష్ అంబానీ అనంత్‌కు అందించగా, జనవరి 2023లో తన నిశ్చితార్థ వేడుకలో కూడా దీనిని ధరించారు. తర్వాత ఇటీవల తన మరో వేడుకలో ఖరీదైన బ్రూచ్‌ను తిరిగి ధరించి కనిపించారు. ఇది చూసిన నెటిజన్లు అంబానీ కుమారుడి పెళ్లి అంటే మాములుగా ఉండదని కామెంట్లు చేస్తున్నారు. అంతేకాదు గతంలో రిసెప్షన్ సందర్భంగా అనంత్ ధరించిన వాచ్ గురించి కూడా పెద్ద చర్చ జరిగింది. ఎందుకంటే ఆ వాచ్ ఖరీదు ఏకంగా రూ.16.50 కోట్లు ఉండటం విశేషం. దానిని రిచర్జ్ మిల్లె బ్రాండ్ నుంచి వచ్చిన స్విస్ వాచ్‌గా ప్రకటించారు.

ఇది కూడా చదవండి:

Anant-Radhika Wedding: అనంత్-రాధికల పెళ్లి ముహుర్తం ఎప్పుడు.. మొత్తం ఖర్చు ఎంతంటే..

Anant Ambani-Radhika Merchant Wedding: అనంత్-రాధిక పెళ్లి కోసం ముంబై చేరుకున్న.. ప్రియాంక చోప్రా, రామ్ చరణ్ సహా..

Warranty vs Guarantee: మీకు వారంటీ, గ్యారెంటీ మధ్య తేడా తెలుసా.. లేదంటే నష్టపోతారు జాగ్రత్త..!

For Latest News and Business News click here