పబ్లిక్‌ ఇష్యూలకు సెక్యూరిటీ డిపాజిట్‌ రద్దు
ABN, Publish Date - Nov 22 , 2024 | 05:35 AM
పబ్లిక్‌ ఇష్యూలకు వచ్చే కంపెనీలకు సెబీ మరో వెసులుబాటు కల్పించింది. ఈ కంపెనీలు ఐపీఓలు, రైట్స్‌ ఇష్యూల ద్వారా సేకరించే నిధుల్లో ఒక శాతాన్ని తప్పనిసరిగా ముందుగానే స్టాక్‌ ఎక్స్చేంజిల వద్ద డిపాజిట్‌...
న్యూఢిల్లీ: పబ్లిక్‌ ఇష్యూలకు వచ్చే కంపెనీలకు సెబీ మరో వెసులుబాటు కల్పించింది. ఈ కంపెనీలు ఐపీఓలు, రైట్స్‌ ఇష్యూల ద్వారా సేకరించే నిధుల్లో ఒక శాతాన్ని తప్పనిసరిగా ముందుగానే స్టాక్‌ ఎక్స్చేంజిల వద్ద డిపాజిట్‌ చేయాలన్న నిబంధనను తొలగించింది. ఈ నిర్ణయం వెంటనే అమల్లోకి వస్తుందని తెలిపింది. ఏఎస్‌బీఏ, యూపీఐ చెల్లింపులు, అలాట్‌ అయిన షేర్లు తప్పనిసరిగా డిమ్యాట్‌ ఖాతాల్లోనే జమ చేయడం వంటి సంస్కరణల నేపథ్యంలో, మారిన మార్కెట్‌ పరిస్థితులను దృష్టిలో ఉంచుకుని ఈ నిర్ణయం తీసుకున్నట్టు పేర్కొంది. దీనికి సంబంధించి సెబీ ఈ ఏడాది ఫిబ్రవరిలోనే ఒక చర్చా పత్రం విడుదల చేసింది. దానిపై వచ్చిన సలహాలు, సూచనలతో ఈ తాజా నిర్ణయం తీసుకుంది.
Updated Date - Nov 22 , 2024 | 05:35 AM
