రానున్న ఏకాదశి మహత్తరమైనది. లోకాలన్నింటినీ ఏలే శ్రీమహా విష్ణువును పూజించేందుకు ఎంతో అనువైన రోజిది. ఈ రోజున ఆయన పాదాలను ఆశ్రయించిన భక్తులు భూలోకంలో అన్ని రకాల సుఖాలను పొందుతారని పండితులు చెప్తున్నారు. అలాగే శరీరం విడిచిన తర్వాత వైకుంఠ లోకం ప్రాప్తిస్తుందంటారు. ఏకాదశి వ్రత మహిమను సనాతన గ్రంథాలలో కొనియాడారు. ఈ వ్రతాన్ని ఆచరించడం వల్ల కటిక దారిద్ర్యంతో జీవిస్తున్న వారిని సైతం ఐశ్వర్యం వరిస్తుందని. దైవ బలం చేకూరుతుందంటారు. ఈ ఏకాదశినాడు ఉండగలిగిన వారు ఉపవాసం ఉంటే ఎంతో మేలు. ఆ రోజున బెండకాయ, అన్నం, క్యారెట్, బచ్చలికూర, ఎర్రపప్పు, తామస గుణాన్ని పెంచే ఇతర ఆహార పదార్థాలకు దూరంగా ఉండాలి.

దీనితో పాటు, జీవితంలో ఉన్న అన్ని రకాల బాధలు, కష్టాలు తొలగిపోతాయి. ఈ సంవత్సరం ఉత్పన్న ఏకాదశి నవంబర్ 26వ తేదీన వస్తోంది. ఈ రోజున శ్రీమహావిష్ణువును పూజించే భక్తుల కోరికలన్నీ తప్పకుండా నెరవేరుతాయని హిందూ మత విశ్వాసం. అందుకే భక్తులు ఏకాదశి రోజున భక్తిశ్రద్ధలతో లక్ష్మీనారాయణుడిని పూజిస్తారు. మీరు కూడా శ్రీమహావిష్ణువు ఆశీర్వాదాలలో భాగస్వాములు కావాలనుకుంటే, ఉత్పన్న ఏకాదశి నాడు మీ రాశి ప్రకారం విష్ణువుకు అభిషేకం చేయండి.

రాశిచక్రం ప్రకారం అభిషేకం

మేష రాశి వారు ఉత్పన్న ఏకాదశి రోజున బెల్లం కలిపిన నీటితో విష్ణుమూర్తికి అభిషేకం చేయాలి.

వృషభ రాశి వారు ఉత్పన్న ఏకాదశి నాడు శ్రీమహావిష్ణువుకు పంచామృతంతో అభిషేకం చేయాలి.

మిథున రాశి వారు ఉత్పన్న ఏకాదశి తిథి నాడు తమలపాకులను నీటిలో కలిపి విష్ణువుకు అభిషేకం చేయాలి.

కర్కాటక రాశి వారు ఉత్పన్న ఏకాదశి రోజున విష్ణుమూర్తికి పచ్చి ఆవు పాలతో అభిషేకం చేయాలి.

సింహ రాశి వారు ఉత్పన్న ఏకాదశి రోజున విష్ణుమూర్తికి తేనెతో అభిషేకం చేయాలి.

కన్యా రాశి వారు ఉత్పన్న ఏకాదశి తిథి నాడు శ్రీమహావిష్ణువుకు చెరుకు రసంతో అభిషేకం చేయాలి.

తుల రాశి వారు ఉత్పన్న ఏకాదశి నాడు శ్రీమహావిష్ణువుకు శుద్ధమైన నెయ్యితో అభిషేకం చేయాలి.

వృశ్చిక రాశి వారు ఉత్పన్న ఏకాదశి నాడు ఎర్రని పువ్వులను నీటిలో కలిపి విష్ణువుకు అభిషేకం చేయాలి.

ధనుస్సు రాశి వారు ఉత్పన్న ఏకాదశి రోజున కుంకుమతో కూడిన పాలతో విష్ణువుకు అభిషేకం చేయాలి.

మకర రాశి వారు ఏకాదశి తిథి నాడు గంగాజలంలో నల్ల నువ్వులను కలిపి విష్ణువుకు అభిషేకం చేయాలి.

కుంభ రాశి వారు ఉత్పన్న ఏకాదశి తిథి నాడు శ్రీమహావిష్ణువుకు కొబ్బరినీళ్లతో అభిషేకం చేయాలి.

మీన రాశి వారు ఏకాదశి తిథి నాడు పసుపు పువ్వులను పాలలో కలిపి విష్ణువుకు అభిషేకం చేయాలి.

Viral Video: సైలెంట్ గా వచ్చి శివలింగాన్ని కౌగిలించుకున్న కోతి.. అక్కడి జనం ఏం చేశారంటే..