Pension : పింఛను ఇకపై ఎక్కడి నుంచైనా..
ABN, Publish Date - Sep 05 , 2024 | 05:25 AM
కేంద్ర ప్రభుత్వం ఈపీఎస్‌ పింఛన్‌దారులకు శుభవార్త చెప్పింది. పింఛనుదారులు ఇకపై దేశంలో ఎక్కడి నుంచైనా పింఛను తీసుకునే వెసులుబాటు కల్పించింది.
ఈపీఎస్‌ పింఛనుదారులకు శుభవార్త
దేశంలో ఏ బ్యాంకు నుంచైనా పొందొచ్చు
కేంద్రీకృత చెల్లింపు వ్యవస్థకు ఈపీఎఫ్‌వో
ఓకే; జనవరి 1 నుంచి అమల్లోకి..
దేశంలో ఎక్కడ, ఏ బ్యాంకు నుంచైనా తీసుకోవచ్చు
న్యూఢిల్లీ, సెప్టెంబరు 4: కేంద్ర ప్రభుత్వం ఈపీఎస్‌ పింఛన్‌దారులకు శుభవార్త చెప్పింది. పింఛనుదారులు ఇకపై దేశంలో ఎక్కడి నుంచైనా పింఛను తీసుకునే వెసులుబాటు కల్పించింది. ఏ ప్రాంతంలో ఉన్నా, ఏ బ్యాంక్‌ నుంచైనా పింఛను తీసుకునే వీలు కల్పించింది. ఈ మేరకు కేంద్రీకృత పింఛను చెల్లింపు వ్యవస్థ (సీపీపీఎ్‌స)ను తీసుకొచ్చేందుకు ఈపీఎ్‌ఫవో ఆమోదం తెలిపినట్లు కేంద్ర కార్మిక శాఖ మంత్రి, ఈపీఎ్‌ఫవో ట్రస్ట్‌బోర్డ్‌ చైర్మన్‌ మన్సుఖ్‌ మాండవీయ వెల్లడించారు. 2025 జనవరి 1 నుంచి ఈ సదుపాయం అందుబాటులోకి రానుందని తెలిపారు. దీనివల్ల 78 లక్షల మంది పింఛన్‌దారులకు ప్రయోజనం కలగనుందని చెప్పారు. పింఛనుదారులు ఒక ప్రాంతం నుంచి ఇంకో ప్రాంతానికి వెళ్లినప్పుడు పింఛను పేమెంట్‌ ఆర్డర్‌ (పీపీవో)ను బదిలీ చేసుకోవాల్సిన అవసరం ఉండదన్నారు.
సీపీపీఎ్‌సతో సమూల మార్పులు..
సీపీపీఎస్‌ ప్రస్తుత పింఛను పంపిణీ వ్యవస్థలో సమూల మార్పులకు శ్రీకారం చుట్టనుంది. ప్రస్తుతం ఈపీఎ్‌ఫవో జోనల్‌/ప్రాంతీయ కార్యాలయాలు కేవలం 3-4 బ్యాంకులతో మాత్రమే ఒప్పందాలు కలిగి ఉన్నాయి. పింఛను ప్రారంభ సమయంలో పింఛనుదారులు ధ్రువీకరణ కోసం సంబంధిత బ్యాంకుకు వెళ్లాలి. కేంద్రీకృత విధానం వల్ల ఇకపై ఆ అవసరం తప్పుతుంది. పింఛను విడుదలైన వెంటనే, ఆ మొత్తం పింఛనుదారు ఖాతాలో జమవుతుంది. ఆధార్‌ చెల్లింపు వ్యవస్థను కూడా అందుబాటులోకి తీసుకురానున్నట్లు మాండవీయ చెప్పారు.
Updated Date - Sep 05 , 2024 | 05:25 AM
