Prajwal Revanna: జులై 8 వరకు జ్యుడిషియల్ కస్టడీ పొడగింపు

బెంగుళూరు, జూన్ 24: లైంగిక దాడి, లైంగిక ఆరోపణల కేసులో అరెస్టయిన జేడీ(ఎస్) మాజీ నేత, మాజీ ఎంపీ ప్రజ్వల్ రేవణ్ణకు కోర్టు 14 రోజుల జ్యుడిషియల్ కస్టడీ విధించింది. ప్రత్యేక దర్యాప్తు బృందం( సిట్) అరెస్ట్ చేసిన ప్రజ్వల్ కస్టడీ సోమవారంతో ముగిసింది. ఈ నేపథ్యంలో అతడికి కోర్టు 14 రోజుల పాటు అంటే జులై 8వ తేదీ వరకు కస్టడీని పొడిగించింది. ఇదిలావుండగా ప్రజ్వల్ బెయిల్ పిటిషన్ అదనపు సిటీ సివిల్ సెషన్స్ జడ్జి ముందుకు రాగా.. ఆ ఉత్తర్వులను జూన్ 26వ తేదీకి కోర్టు రిజర్వ్ చేసింది.

Also Read:JP Nadda: ‘కళ్లకురిచ్చి’పై మౌనం ఎందుకు?

ఇటీవల జరిగిన సార్వత్రిక ఎన్నికల వేళ జేడీ(ఎస్) నాయకుడు, హాసన్ ఎంపీ ప్రజ్వల్ రేవణ్ణ రాసలీల పెన్ డ్రైవ్ వెలుగులోకి వచ్చింది. దాంతో కర్ణాటకలో రాజకీయ దుమారం రేగింది. అలాంటి వేళ ప్రజ్వల్ గుట్టుచప్పుడు కాకుండా జర్మనీ వెళ్లిపోయారు. ఆ క్రమంలో అతడి తాత, మాజీ ప్రధాని హెచ్ డి దేవగౌడ.. తన మనవడు ప్రజ్వల్‌కు బహిరంగ లేఖ రాశారు. పోలీసుల ముందు లొంగిపోవాలని అతడికి సూచించారు.

Also Read: Robert Vadra: రాహుల్ గాంధీపై ప్రశంసల జల్లు

అనంతరం ప్రజ్వల్.. ఓ వీడియో సందేశాన్ని సైతం విడుదల చేశారు. తనకు చట్టంపై నమ్మకముందన్నారు. అలాగే తాను మే 31న బెంగుళూరు పోలీసుల ముందు లొంగిపోతానని ప్రజ్వల్ ఆ వీడియోలో స్పష్టం చేశారు. అందులోభాగంగా మే 31వ తేదీ తెల్లవారుజామున జర్మనీ నుంచి వచ్చిన ప్రజ్వల్‌ను బెంగుళూరు ఎయిర్ పోర్ట్‌లో సిట్ అధికారులు అరెస్ట్ చేశారు. ఈ ఆరోపణల నేపథ్యంలో ప్రజ్వల్‌పై జేడీ(ఎస్) పార్టీ సస్పెన్షన్ వేటు వేసింది. దేవగౌడ పెద్ద కుమారుడు హెచ్ డి రేవణ్ణ కుమారుడే ఈ ప్రజ్వల్ రేవణ్ణ.

Also Read: Jagtial Politics: కాంగ్రెస్ ఎమ్మెల్సీ జీవన్ రెడ్డి కీలక నిర్ణయం..!

For Latest News and National News click here