18వ లోక్‌సభ తొలి సమావేశం 15న!
ABN, Publish Date - Jun 08 , 2024 | 04:21 AM
8వ లోక్‌సభ తొలి సమావేశాలు జూన్‌ 15 నుంచి 22వ తేదీ వరకు జరిగే అవకాశం ఉందని సంబంధిత వర్గాలు వెల్లడించాయి. కొత్తగా ఎన్నికైన పార్లమెంట్‌ సభ్యుల ప్రమాణ స్వీకారాలతో ఈ నెల మూడో వారంలో సమావేశాలు ప్రారంభమవుతాయని పేర్కొన్నాయి. ప్రమాణ స్వీకారాలు రెండ్రోజుల పాటు జరిగే అవకాశం ఉందని, అనంతరం స్పీకర్‌ ఎన్నిక ఉంటుందని తెలిపాయి.
న్యూఢిల్లీ, జూన్‌ 7: 18వ లోక్‌సభ తొలి సమావేశాలు జూన్‌ 15 నుంచి 22వ తేదీ వరకు జరిగే అవకాశం ఉందని సంబంధిత వర్గాలు వెల్లడించాయి. కొత్తగా ఎన్నికైన పార్లమెంట్‌ సభ్యుల ప్రమాణ స్వీకారాలతో ఈ నెల మూడో వారంలో సమావేశాలు ప్రారంభమవుతాయని పేర్కొన్నాయి. ప్రమాణ స్వీకారాలు రెండ్రోజుల పాటు జరిగే అవకాశం ఉందని, అనంతరం స్పీకర్‌ ఎన్నిక ఉంటుందని తెలిపాయి. ఆ తర్వాతి రోజు రాష్ట్రపతి ఉభయ సభలను ఉద్దేశించి ప్రసంగిస్తారని చెప్పాయి. సమావేశాలు జరుగుతుండగానే తొలి సెషన్‌ ముగింపుపై కొత్తగా ఎంపికైన మంత్రివర్గం నిర్ణయం తీసుకుంటుందని వెల్లడించాయి. ఈ సమావేశాల్లో భాగంగా ప్రధానిమంత్రి తన కేబినెట్‌ను ఉభయసభలకు పరిచయం చేస్తారని తెలిపాయి.
Updated Date - Jun 08 , 2024 | 06:53 AM
