Trending: ప్రపంచంలోనే అత్యంత అవినీతి దేశం ఇదే.. భారతదేశం పరిస్థితి ఏంటంటే..
ABN, Publish Date - Mar 14 , 2024 | 05:44 PM
అవినీతి.. ఏ దేశ అభివృద్ధినైనా అడ్డుకునే శక్తి దీనికి ఉంది. దేశ ఆర్థిక పతనానికి ప్రధాన కారణంగా నిలుస్తోంది. ఎడతెగని అవినీతి కారణంగా ప్రభుత్వంపై ప్రజల్లో అసంతృప్తి నెలకొంటోంది. ఇది ప్రజల జీవితాన్ని అనేక ఇబ్బందులకు గురి చేస్తుంది.
అవినీతి.. ఏ దేశ అభివృద్ధినైనా అడ్డుకునే శక్తి దీనికి ఉంది. దేశ ఆర్థిక పతనానికి ప్రధాన కారణంగా నిలుస్తోంది. ఎడతెగని అవినీతి కారణంగా ప్రభుత్వంపై ప్రజల్లో అసంతృప్తి నెలకొంటోంది. ఇది ప్రజల జీవితాన్ని అనేక ఇబ్బందులకు గురి చేస్తుంది. అందుకే అవినీతిని నిరోధించాలంటూ అనేక మంది ప్రజలు నిరసనలు చేస్తుంటారు. ఇవి ఒక్క ప్రదేశానికే పరిమితమవలేదు. ప్రపంచవ్యాప్తంగా ఇదే పరిస్థితి ఉంది. ఈ క్రమంలో ట్రాన్స్ పరెన్సీ ఇంటర్నేషనల్ లో ఆసక్తికర విషయాలు వెల్లడయ్యాయి. ప్రపంచంలో అత్యంత అవినీతి జరిగే దేశాల వివరాలు వెల్లడించింది. ప్రపంచం ( World ) లో అత్యంత అవినీతి ఏ దేశంలో జరుగుతోందో.. అందులో భారతదేశ పరిస్థితి ఎలా ఉందో ఇప్పుడు తెలుసుకుందాం. దేశాల్లో ఏయే దేశాల పేర్లు అగ్రస్థానంలో ఉన్నాయో తెలుసా. కాకపోతే ఈరోజు తెలియజేయండి. ఈ జాబితాలో భారత్ స్థానం ఏమిటో కూడా తెలుసుకుందాం.
అత్యంత అవినీతి దేశాల జాబితాను ట్రాన్స్‌పరెన్సీ ఇంటర్నేషనల్ విడుదల చేసింది. ఇందులో ప్రపంచంలోని 180 దేశాలు పాల్గొన్నాయి. ఈ ఏడాది విడుదలైన నివేదిక ప్రకారం ప్రపంచంలోనే అత్యంత అవినీతి దేశంగా సోమాలియా నిలిచింది. ఈ జాబితాలో వెనిజులా రెండో స్థానంలో, సిరియా మూడో స్థానంలో నిలవగా దక్షిణ సూడాన్, యెమెన్ లు నాలుగైదు స్థానాల్లో నిలిచాయి. భారతదేశం 93వ స్థానం సంపాదించింది. సీపీఐ మార్కింగ్‌లో భారత్‌కు 100కు 39 మార్కులు వచ్చాయి. 2022లో ఈ జాబితాలో భారత్ 85వ స్థానంలో ఉండగా, ఇప్పుడు 93వ స్థానానికి పడిపోయింది.
ఈ నివేదిక ప్రకారం అవినీతి రహిత దేశంగా డెన్మార్క్ వరసగా ఆరో ఏడాది సైతం అగ్రస్థానాన్ని నిలబెట్టుకుంది. భారతదేశానికి పొరుగునే ఉన్న చైనాలో భారతదేశం కంటే తక్కువ అవినీతి ఉండగా పాకిస్థాన్‌లో ఎక్కువ అవినీతి ఉంది.
మరిన్ని ప్రత్యేకం వార్తల కోసం ఈ లింక్ క్లిక్ చేయండి.
Updated Date - Mar 14 , 2024 | 05:47 PM
