Amit Shah: కేంద్ర హోంమంత్రి అమిత్ షా కుటుంబంలో విషాదం
ABN, Publish Date - Jan 15 , 2024 | 05:47 PM
కేంద్ర హోంమంత్రి అమిత్ షా కుటుంబంలో విషాదం చోటుచేసుకుంది. తన అక్క రాజేశ్వరిబెన్(Rajeshwariben) సోమవారం ముంబైలోని ఆసుపత్రిలో మరణించారు. రాజేశ్వరిబెన్‌కి కొన్ని నెలల క్రితం ఊపిరితిత్తుల మార్పిడి జరిగింది.
కేంద్ర హోంమంత్రి అమిత్ షా(Amit Shah) కుటుంబంలో విషాదం చోటుచేసుకుంది. తన అక్క రాజేశ్వరిబెన్(Rajeshwariben) సోమవారం ముంబైలోని ఆసుపత్రిలో మరణించారు. రాజేశ్వరిబెన్‌కి కొన్ని నెలల క్రితం ఊపిరితిత్తుల మార్పిడి జరిగింది. ఆ తర్వాత ఆమెను ముంబైలోని ఒక ఆసుపత్రిలో చేర్పించారు. ఈ ఘటన నేపథ్యంలో గుజరాత్‌లో జరగాల్సిన రెండు బహిరంగ కార్యక్రమాలను అమిత్ షా రద్దు చేసుకున్నారు. తన అక్క చనిపోవడంతో అమిత్ షా తన బహిరంగ కార్యక్రమాలన్నింటినీ రద్దు చేసుకున్నారని ఓ బీజేపీ నేత సోషల్ మీడియా వేదికగా తెలిపారు.
మరిన్ని వార్తల కోసం ఇక్కడ క్లిక్ చేయండి: Jallikattu: జల్లికట్టులో అపశృతి..ఇద్దరు పోలీసులతో సహా 45 మందికి గాయాలు
అమిత్ షా సోదరి రాజేశ్వరిబెన్ వయసు 65 ఏళ్లని తెలుస్తోంది. ఆమె అహ్మదాబాద్‌లోని ఒక ఆసుపత్రిలో ఊపిరితిత్తుల మార్పిడి చేయించుకున్నారు. ఆ తరువాత ముంబైలోని హెచ్‌ఎన్ రిలయన్స్ ఫౌండేషన్ ఆసుపత్రికి రెఫర్ చేశారు. గత వారం అమిత్ షా కూడా HN రిలయన్స్ ఫౌండేషన్ హాస్పిటల్‌లో ఆమెను కలిశారు. మహారాష్ట్ర ముఖ్యమంత్రి ఏక్‌నాథ్ షిండే, పారిశ్రామికవేత్త ముఖేష్ అంబానీ కూడా రాజేశ్వరిబెన్‌ను పరామర్శించారు.
Updated Date - Jan 15 , 2024 | 05:47 PM
