పాదాలూ చెబుతాయి..

మనకు ఉన్న ఆరోగ్య సమస్యలను మన పాదాలకు సంబంధించిన కొన్ని లక్షణాలు చెబుతాయి. వాటిని వెంటనే గమనించి చర్యలు తీసుకుంటే దీర్ఘకాలిక సమస్యల నుంచి బయటపడవచ్చు.

• గుండెకు లేదా కాలేయానికి సంబంధించిన సంబంధించిన సమస్యలు కావచ్చు. మన శరీరంలో రక్తాన్ని శుద్ధి చేయటంలో కీలకమైన పాత్ర పోషిస్తుంది. కాలేయ సమస్యలు ఉన్నప్పుడు కాళ్లు వాస్తాయి. అదే విధంగా కాళ్లకు రక్తప్రసారం సరిగ్గా జరగకపోయినా కాళ్లు వాస్తాయి.

• మహిళల్లో ఈస్ట్రోజెన్‌ హార్మోన్ల విలువల్లో తేడాలు వచ్చినప్పుడు కాళ్లు వాచే అవకాశముంది. రసజ్వల అయినప్పుడు.. గర్భవతి అయినప్పుడు.. రుతుస్రావం ఆగిపోయే సమయంలోను కాళ్ల వాపులు కనిపిస్తాయి. ఈ వాపు ముఖ్యంగా పాదాల దగ్గర ఎక్కువగా కనిపిస్తుంది.

• కొందరికి మడమల పైభాగంలో వాపు కనిపిస్తూ ఉంటుంది. ఇది ఎక్కువ కాలం తగ్గకపోతే యూరిక్‌ యాసిడ్‌ ఎక్కువ అయినట్లుగా భావించవచ్చు.

• కొందరి కాళ్లను జాగ్రత్తగా చూస్తే చిన్న చిన్న నరాలు పైకి ఉబికి ఉంటాయి. వీటిని వైద్య పరిభాషలో ‘స్పైడర్‌ వీన్స్‌’ అంటారు. కాళ్లలోకి రక్తప్రసారం సరిగ్గా లేకపోతే ఇవి ఏర్పడతాయి.

• కొందరికి ప్రతి రోజూ కాళ్ల తిమ్మిరిలు వస్తూ ఉంటాయి. మధుమేహం సమస్య ఉన్నవారికి ఈ సంకేతాలు కనిపించిన వెంటనే వైద్యులకు చూపించుకోవటం మంచిది.