lychee benefits : వేసవిలో లీచీ ఫ్రూట్ తీసుకుంటే.. రోగనిరోధక శక్తి పెరగడంతో పాటు..!
ABN, Publish Date - Apr 18 , 2024 | 02:14 PM
విటమిన్ సి కలిగిన లీచీ పండ్లను తీసుకోవడం వల్ల ఇది రోగ నిరోధక శక్తిని బలోపేతం చేస్తుంది. విటమిన్ సి తెల్ల రక్త కణాల ఉత్పత్తిని పెంచుతుంది. శరీరాన్ని అంటువ్యాధులు, అనారోగ్యాల నుంచి రక్షిస్తుంది.
లీచీ (lychee) , ఆగ్నేయాసియాకు చెందిన పండు, ప్రత్యేకించి చైనా పండు. ఈ పండు అద్భుతమైన రుచి కలిగి ఉంటుంది. ఎరుపు రంగులో ఉండే ఈ పండ్లు చెట్లపై గుత్తులుగా పెరుగుతాయి. జ్యూసిగా, తేమతో ఉంటాయి. వేసవి నెలల్లో పండిన, లీచీ చెట్టు పండ్లు జ్యూస్‌లు, జామ్‌లలో కలుపుతారు. ఈ పండుతో కలిగే ప్రయోజనాల గురించి తెలుసుకుందాం.
రోగనిరోధక వ్యవస్థ పెంచుతుంది..
విటమిన్ సి కలిగిన లీచీ పండ్లను తీసుకోవడం వల్ల ఇది రోగ నిరోధక శక్తిని బలోపేతం చేస్తుంది. విటమిన్ సి తెల్ల రక్త కణాల ఉత్పత్తిని పెంచుతుంది. శరీరాన్ని అంటువ్యాధులు, అనారోగ్యాల నుంచి రక్షిస్తుంది. లీచీని క్రమం తప్పకుండా తీసుకోవడం వల్ల జలుబు, ఫ్లూ వంటి అనారోగ్యాలు రావు. ఉత్సాహంగా, శక్తివంతంగా ఉంటారు.
యాంటీ ఆక్సిడెంట్ల పవర్..
లీచీ ఫ్లేవనాయిడ్లు, ఫినాలిక్ సమ్మేళనాలతో, విటమిన్ సి వంటి యాంటీ ఆక్సిడెంట్లతో నిండి ఉంటాయి. ఇవి ఆక్సీకరణ ఒత్తిడిని తగ్గించడంలో సహకరిస్తాయి. శరీరంలోని హానికరమైన ఫ్రీ రాడికల్స్ ను తటస్తం చేయడంలో సహాయపడతాయి. ఈ యాంటీఆక్సిడెంట్లు గుండె జబ్బులు, క్యాన్సర్, న్యూరోడెజెనరేటివ్ డిజార్డర్ లతో సహా దీర్ఘకాలిక వ్యాధుల ప్రమాదాన్ని తగ్గిస్తాయి.
Cooking Tips : వంట సులభంగా, ఇబ్బంది లేకుండా చేయడానికి ఈ చిట్కాలు పాటించండి..!
జీర్ణ క్రియకు..
ఇందులో ముఖ్యమైన ఫైబర్ కంటెంట్ తో, లీచీ జీర్ణక్రియకు సహాయపడుతుంది. జీర్ణాశయ ఆరోగ్యాన్ని పెంచుతుంది. ఫైబర్ పేగు ఆరోగ్యాన్ని పెంచుతుంది.
చర్మ సంరక్షణ..
విటమిన్ సి, యాంటీ ఆక్సిడెంట్లు సమృద్ధిగా ఉన్న లీచీ చర్మాన్ని కాంతివంతంగా మారుస్తుంది. ఇందులోని కొల్లాజెన్ ఉత్పత్తికి విటమిన్ సి చాలా అవసరం. ఇది అకాల వృద్ధాప్యాన్ని నివారిస్తుంది. లీచీలోని యాంటీ ఆక్సిడెంట్లు ఫ్రీ రాడికల్స్ డ్యామేజ్ తో పోరాడతాయి. ఆరోగ్యకరమైన, మెరిసే ఛాయను అందిస్తాయి.
మరిన్ని వార్తల కోసం లింక్ క్లిక్ చేయండి.
గమనిక: పైన పేర్కొన్న వివరాలను ఆరోగ్య నిపుణులు అందించిన సమాచారం మేరకు ఇవ్వడం జరిగింది. దీనిని ఏబీఎన్-ఆంధ్రజ్యోతి ధృవీకరించడం లేదు. ఆరోగ్య నిపుణుల సలహాల మేరకు పైన చెప్పిన సూచనలు పాటించాలి.
Updated Date - Apr 18 , 2024 | 02:39 PM
