ఈ పక్షి పేరు ఏమిటొ మీకు తెలుసా?
ABN, Publish Date - Apr 25 , 2024 | 11:55 PM
పొడవైన తోక, చూడటానికి గంభీరంగా.. మెడ కిందిభాగంలో ఎరుపు, తల మీద బంగారు రంగు ఉంటుంది. మెడ చుట్టూ చీరనేసినట్లుండే అందం.
మొత్తానికి చూడటానికి ఫస్ట్‌లుక్‌లో నెమలిలా ఉండే ఈ పక్షి పేరు ‘గోల్డెన్‌ ఫీజంట్‌’. భూమ్మీద ఉండే అందమైన పక్షుల్లో ఇదొకటి. విచిత్రమేంటంటే ఇవి.. మగ పక్షులు. ఆడపక్షులు నలుపు, బ్రౌన్‌ కలర్‌లో ఉంటాయి.
వీటి పుట్టినిల్లు చైనా. కొండప్రాంతాల్లో తిరుగుతుంటాయివి. బరువు 600 గ్రాములు ఉంటాయి. ఇక మగపక్షులు 90 నుంచి 100 సెంటీమీటర్ల పొడవుంటే.. ఆడపక్షులు 70 నుంచి 80 సెం.మీ పొడవు ఉంటాయి.
ఈ పక్షులు తెలివైనవి. అయితే సహనం కూడా వీటికి ఎక్కువ. అయితే ఒక్కోసారి మగపక్షులకు కోపం ఎక్కువ వస్తుంది. ఎంత అంటే ఆడపక్షులను చంపేస్తాయి. అయితే ఇది చాలా అరుదుగా జరుగుతుంది. ఇవి గాల్లోకి మరీ ఎత్తుకు ఎగరలేవు. అయితే వేగంగా పరిగెత్తగలవు.
చలి, వేడి ప్రాంతాల్లో కూడా బతకగలవు. వీటిని పెంచుకోవచ్చు కూడా.
ఈ పక్షుల గుడ్లు బాతు గుడ్లంత ఉంటాయి. మట్టిలో కంటే గడ్డిమీద గుడ్లు పెట్టటానికి ఇష్టపడతాయి. 5 నుంచి 12 గుడ్లు వరకూ పెడతాయి. ఇవి పొదిగే కాలం మూడు వారాలు.
Updated Date - Apr 25 , 2024 | 11:55 PM
