TDP: బెల్జియంలో ఘనంగా కూటమి విజయోత్సవ కార్యక్రమాలు

NRI TDP బెల్జియం ప్రెసిడెంట్ అలవాలపాటి శివకృష్ణ, కోశాధికారి కొండయ్య కావూరి, రీజనల్ సమన్వయకర్త దినేష్ వర్మ కోడూరి, జనసేన నాయకులు ప్రవీణ్ జరుగుమల్లి (NRI) ఆధ్వర్యంలో కూటమి విజయోత్సవ కార్యక్రమం ఘనంగా జరిగింది. ఈ కార్యక్రమంలో ప్రెసిడెంట్ శివకృష్ణ మాట్లాడుతూ ప్రపంచవ్యాప్తంగా ఇదో చారిత్రాత్మక విజయమని అభివర్ణించారు. ఇంతటి విజయాన్ని ఇచ్చిన తెలుగుదేశం పార్టీ, జనసేన పార్టీ, బీజేపీ పార్టీ నాయకులకు, కార్యకర్తలకు యావత్ రాష్ట్ర ప్రజానీకానికి ప్రత్యేక ధన్యవాదాలు, శుభాకాంక్షలు తెలియజేస్తున్నానని అన్నారు.

TDP: మండుటెండలోనూ సౌదీలో టీడీపీ విజయోత్సవ పరంపర

‘‘ఇది కొన్ని పార్టీలు కలిసి సాధించిన విజయమే కాదు. నా భూమి నాది అని చెప్పుకోలేని పరిస్థితి నుండి, విముక్తి కలగాలి అని ఓటు వేసి గెలిపించిన రైతు ది ఈ విజయం.! నా రాష్ట్ర రాజధాని కోసం నా భూమి అని 30,000 ఎకరాలు ఇచ్చిన రైతన్నల కుటుంబాలది ఈ విజయం.! నారా చంద్రబాబు నాయుడు అనే నేను అనే పదం కోసం కదం తొక్కిన ప్రతి కార్యకర్తది ఈ విజయం.! జనం కోసం పవన్ కళ్యాణ్ అనే నాయకుడి కోసం కాలు దువ్విన కుర్ర కారులది ఈ విజయం.! దేశ భవిష్యత్తు కోసం కలిసి నడుద్దాం అని కౌగిలించిన కమల దళం ది విజయం.! ఇది తెలుగు ప్రజల ఘన విజయం.!’’ అని శివకృష్ణ అన్నారు,

ఈ కార్యక్రమంలో NRI బెల్జియం టీడీపీ జనసేన బీజేపీ నాయకులు కార్యకర్తలు పాల్గొని కార్యక్రమాన్ని జయప్రదం చేశారు. అనంతరం జూమ్ మీటింగ్‌లో భాను ప్రకాష్ మాగులూరి ( NRI TDP USA), మన్నవ సుబ్బారావు ( ex టీడీపీ గుంటూరు మిర్చి యార్డు చైర్మన్), రాయపాటి అరుణ ( జనసేన నాయకురాలు), యష్ బొదలూరి ( NRI TDP USA), స్వాతి రెడ్డి ( NRI TDP UK), చలసాని కిషోర్ బాబు ( NRI TDP Europe) పాల్గొన్నారు.

Read Latest NRI News and Telugu News