Nagula Chavithi: నాగులచవితి రోజున కూరలు ఎందుకు కట్ చేయకూడదు
ABN, Publish Date - Nov 04 , 2024 | 05:04 PM
నాగుల చవితినాడు కూరగాయలు కూడా తరగకూడదంటారు.. సూది, చాకు వంటి పదునైన వస్తువులను సైతం వాడరు. అనాదిగా వస్తున్న ఈ ఆచారం వెనుక మానవాళికి మేలు చేసే ఓ విశేషమైన కారణం ఉంది..
కార్తీక మాసంలో దీపావళి అమావాస్య తర్వాత వచ్చే చతుర్థి తిథినే నాగుల చవితిగా జరుపుకుంటారు.
భూమి అంతర్భాగంలో ఉంటూ భూసారాన్ని కాపాడి రైతులకు మేలు చేసే సర్పాలను దేవతలుగా పూజించడం అనాదిగా వస్తున్న ఆచారం.
ఈరోజు ఎట్టి పరిస్థితుల్లోనూ సర్పాలు, చీమలు, ఇతర క్రిమి కీటకాలకు హాని కలగకుండా చూసుకుంటారు. అందుకే కొన్ని కచ్చితమైన నియమాలను పాటిస్తారు.
చవితి రోజున భూమిని దున్నడం, మట్టిని తవ్వడం, చెట్టు, పుట్టలను కొట్టడం వంటి పనులకు దూరంగా ఉండేవారు.
ఈ పర్వదినాన కత్తులు, సూదులు, కత్తెర వంటి పదునైన వస్తువులను ఉపయోగించకూడదు.
కూరగాయలు కోసి వంట చేయరు. వాటికి బదులుగా దుంపల వంటివి ఉడికించి మాత్రమే తింటారు.
వంట చేసేందుకు ఇనుప కళాయిలు, బాణలి వంటివి ఉపయోగించరు. మట్టి పాత్రల్లోనే వంట చేసుకుని తింటారు.
తెలియకుండా కూడా చిన్న ప్రాణులకు హాని చేయకూడదనే ఉద్దేశంతోనే ఈ ఆచారం పాటిస్తారు.
Updated Date - Nov 04 , 2024 | 05:05 PM
