క్వీన్ అఫ్ ది సౌత్.. సిల్క్ స్మిత బర్త్ డే స్పెషల్..
ABN, Publish Date - Dec 02 , 2024 | 01:43 PM
అలనాటి నటి, క్వీన్ అఫ్ ది సౌత్ సిల్క్ స్మిత గురించి ప్రత్యేకంగా చెప్పనక్కర్లేదు. ఎన్నో సినిమాల్లో నటించి ప్రేక్షకుల గుండెల్లో చెరగని ముద్ర వేసుకుంది. నేడు ఈ బ్యూటీ బర్త్ డే కావడంతో ఆమె బయోపిక్ కి సంబందించిన చిన్న గ్లింప్స్ వీడియోను మూవీ మేకర్స్ రిలీజ్ చేసారు.
క్వీన్ అఫ్ ది సౌత్ సిల్క్ స్మిత.. అంటే తెలియని వారు ఎవరూ ఉండరు. ఈ నటి కేవలం టాలీవుడ్ లోనే కాకుండా తమిళ్, కన్నడ, మళయాళం, హిందీ భాషలలో నటించి ఆడియన్స్ ను ఆకట్టుకుంది.
దాదాపు 15 సంవత్సరాలు సినిమా ఇండస్ట్రీలో కొనసాగిన ఈమె ఐదు భాషల్లో కలిపి మొత్తం 450పైగా సినిమాలలో నటించి ప్రేక్షకుల గుండెల్లో చెరగని ముద్ర వేసుకుంది.
ఏపీలోని ఏలూరు జిల్లాలో ఒక పేద కుటుంబంలో విజయలక్ష్మిగా జన్మించిన ఆమె.. సినిమాలపై ఇంట్రెస్ట్ తో మద్రాసు వెళ్లి సిల్క్ స్మిత అని పేరు మార్చుకుంది.
అనేక సినిమాలలో ప్రత్యేక గీతాలు, శృంగార నృత్యాలతో ఇండస్ట్రీలో తనకంటూ స్పెషల్ క్రేజ్ తెచ్చుకుంది. తెలుగులో ఆమె నటించిన బావలు సయ్యా, మరదలు సయ్యా అనే పాట ఇప్పటికి సోషల్ మీడియాలో వైరల్ అవుతోంది.
1996 సెప్టెంబర్ 23న స్మిత చెన్నైలోని తన అపార్ట్మెంట్ లో చనిపోయింది. ప్రేమ విఫలమయిందని, చిత్ర నిర్మాణ ప్రయత్నంలో పెట్టిన పెట్టుబడుల వల్ల నష్టాల పాలయిందని అందుకే ఆత్మహత్య చేసుకుందని వార్తలు వచ్చాయి.
నేడు ఈ బ్యూటీ బర్త్ డే కావడంతో ఆమె బయోపిక్ కి సంబందించిన చిన్న గ్లింప్స్ వీడియోను మూవీ మేకర్స్ రిలీజ్ చేసారు. ఆస్ట్రేలియన్ నటి చంద్రిక రవి సిల్క్ స్మిత పాత్రలో నటిస్తుంది.
Updated Date - Dec 02 , 2024 | 02:26 PM
