ఆడవారు 30ఏళ్ళ తర్వాత తప్పనిసరిగా తినాల్సిన ఆహారాలు ఇవి..!
ABN, Publish Date - Aug 08 , 2024 | 08:34 AM
మహిళల ఆరోగ్యం ప్రతి దశలోనూ మార్పుకు లోనవుతుంది. ముఖ్యంగా 30 ఏళ్ళ తరువాత ఆడవారి శరీరంలో హార్మోన్ల అసమతుల్యత ఏర్పడుతుంది. దీని కారణంగా పీరియడ్స్ సక్రమంగా రాకపోవడం, మూడ్ స్వింగ్స్ వంటివి ఎక్కువగా ఉంటాయి. 30 ఏళ్ళ తర్వాత జీవక్రియ మందగిస్తుంది. ఈ కారణంగానే చాలామంది సులువుగా బరువు పెరుగుతారు. ఈ సమస్యలకు చెక్ పెట్టాలంటే 30ఏళ్ళు నిండినవారు కొన్ని ఆహారాలు తప్పనిసరిగా తినాలి.
ఆకుకూరలు:- 30 సంవత్సరాల తర్వాత బచ్చలికూర, పాలకూర, తోటకూర, మునగ ఆకు వంటివి బాగా తీసుకోవాలి. వీటిలో ఐరన్ పుష్కలంగా ఉంటుంది. హిమోగ్లోబిన్ స్థాయిలు బ్యాలెన్డ్ గా ఉంచుతాయి. రోగనిరోధక శక్తిని పెంచుతాయి.
ఫ్యాటీ ఫిష్.. ఫ్యాటీ ఫిష్ లో ఆరోగ్యకరమైన కొవ్వు ఆమ్లాలు పుష్కలంగా ఉంటాయి. ఇవి గుండె ఆరోగ్యానికి చాలా మంచివి. వీటిలో విటమిన్-డి, ప్రోటీన్ ఉంటాయి. ఇవి ఎముకల ఆరోగ్యాన్ని, కండరాల ఆరోగ్యాన్ని కాపాడతాయి.
ఉసిరి:- ఉసిరి సూపర్ ఫుడ్ లలో ఒకటి. ఇందులో ఉండే విటమిన్-సి, యాంటీఆక్సిడెంట్లు రోగనిరోధకశక్తిని పెంచుతాయి. జీవక్రియను మెరుగుపరుస్తాయి. చర్మం, జుట్టును ఆరోగ్యంగా ఉంచుతాయి, రక్తంలో చక్కెర స్థాయిని నియంత్రిస్తాయి.
బొప్పాయి:- 30ఏళ్ళ తరువాత మహిళలు తినాల్సిన ఆహారాలలో బొప్పాయి ముఖ్యమైనది. ఇందులో విటమిన్-ఎ, సి, ఫైబర్, యాంటీ ఆక్సిడెంట్లు పుష్కలంగా ఉంటాయి. ఇవి రోగనిరోధక శక్తిని బలంగా ఉంచుతాయి. చర్మ ఆరోగ్యాన్ని మెరుగ్గా ఉంచుతాయి.
అవకాడో:- అవకాడో గుండె ఆరోగ్యానికి చాలా మంచిది. ఇందులో విటమిన్-సి, ఇ, కె పుష్కలంగా ఉంటాయి. 30ఏళ్లు దాటిన మహిళలు అవకాడో తప్పనిసరిగా తినాలి.
Updated Date - Aug 08 , 2024 | 08:34 AM
