Viral Video: వామ్మో.. ఎంతలా కంగారు పెట్టిందో.. రోడ్డు పక్కన 9 అడుగుల కంగారూను చూసి షాక్.. వీడియో వైరల్..

ఆస్ట్రేలియా (Australia) అనగానే అందమైన బీచ్‌లు, ఆహ్లాదకర ప్రకృతి దృశ్యాలతో పాటు ఇంకెక్కడా కనిపించని వింత జీవులు కంగారూలు (kangaroo) కూడా గుర్తుకు వస్తాయి. కేవలం కంగారూలను చూసేందుకే చాలా మంది పర్యాటకులు ఆస్ట్రేలియాకు వెళుతుంటారు. సాధారణంగా కంగారూలు 4 నుంచి 5 అడుగుల పొడవుతో చెంగు చెంగున గెంతుతూ వినోదాన్ని పంచుతాయి. అయితే తాజాగా ఆస్ట్రేలియాలో కనిపించిన కంగారూ ఓ మహిళకు భయాన్ని కలిగించింది. ఆ వీడియో సోషల్ మీడియాలో వైరల్‌గా మారింది (Viral Video).

bien_forever అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం రోడ్డు పక్కన ఏకంగా 9 అడుగుల పొడవు ఉన్న కంగారూ (9-foot long giant kangaroo) కనిపించింది. చూసేందుకు అది భయంకరంగా ఉంది. కొద్దిగా కిందకు వంగి వెనక్కి చూస్తోంది. చాలా మంది ఇదే అతి పెద్ద కంగారూ అని పేర్కొంటున్నారు. ఈ వీడియోను షేర్ చేసిన యూజర్.. ``ఆస్ట్రేలియాలో ఒక పెద్ద కంగారు కనిపించింది! 9 అడుగుల పొడవున్న ఈ అద్భుతమైన మృగం అందరినీ ఆశ్చర్యపరిచింది! ఇది ఇప్పటివరకు రికార్డ్ చేసిన అతిపెద్ద కంగారూ కాగలదా`` అంటూ కామెంట్ చేశారు.

ఈ వీడియో సోషల్ మీడియాలో వైరల్‌గా మారింది. ఈ షాకింగ్ వీడియోకు మిలియన్ల కొద్దీ వ్యూస్ వచ్చాయి. 3.8 లక్షల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``అత్యంత భయంకరంగా ఉంది``, ``హారర్ సినిమాలో దెయ్యంలా ఉంది``, ``స్టిరాయిడ్స్ తీసుకున్న కంగారూ``, ``చాలా జాగ్రత్తగా ఉండాలి. అవి చాలా బలంగా ఉంటాయి`` అంటూ నెటిజన్లు కామెంట్లు చేశారు.

మరిన్ని ప్రత్యేక వార్తలు కోసం క్లిక్ చేయండి..