Viral Video: ఈ ఆటోవాలా తెలివికి హ్యాట్సాఫ్ చెప్పాల్సిందే.. ఆటోలో ఎలాంటి కుర్చీ పెట్టుకున్నాడో చూడండి..

ABN, Publish Date - Sep 24 , 2024 | 12:45 PM

బెంగళూరు హైటెక్ నగరం. దేశానికే టెక్ హబ్‌గా పేరెన్నికగన్న బెంగళూరులో రకరకాల టెక్నాలజీ ఆవిష్కరణలు జరుగుతుంటాయి. టెక్ నిపుణులే కాదు.. సామాన్యులు కూడా అంతే హైటెక్‌గా ఆలోచిస్తారంటూ ఇప్పటికే ఎన్నో ఫొటోలు, వీడియోలు సోషల్ మీడియాలో వైరల్ అయ్యాయి.

Auto

బెంగళూరు (Bengaluru) హైటెక్ నగరం. దేశానికే టెక్ హబ్‌గా పేరెన్నికగన్న బెంగళూరులో రకరకాల టెక్నాలజీ ఆవిష్కరణలు జరుగుతుంటాయి. టెక్ నిపుణులే కాదు.. సామాన్యులు కూడా అంతే హైటెక్‌గా ఆలోచిస్తారంటూ ఇప్పటికే ఎన్నో ఫొటోలు, వీడియోలు సోషల్ మీడియాలో వైరల్ అయ్యాయి. తాజాగా ఓ ఆటో డ్రైవర్ (Auto Driver) కూడా తన తెలివితేటలతో అందర్నీ ఆకట్టుకుంటున్నాడు. ఆ ఫొటో సోషల్ మీడియాలో వైరల్‌గా మారింది. ఆ ఫొటో చూసిన నెటిజన్లు ఆ ఆటో డ్రైవర్‌పై ప్రశంసలు కురిపిస్తున్నారు (Viral News).

Shivani Matlapudi అనే ట్విటర్ యూజర్ ఈ ఫొటోను షేర్ చేశారు. వైరల్ అవుతున్న ఆ ఫొటోలో ఓ ఆటో డ్రైవర్ తన ఆటోలో రెగ్యులర్ డ్రైవింగ్ సీటును కాకుండా, అత్యంత సౌకర్యవంతంగా ఉండే ఆఫీస్ చైర్‌ (Office Chair)ను ఫిక్స్ చేసుకున్నాడు. చక్కగా అందులో కంఫర్టబుల్‌గా కూర్చుని డ్రైవింగ్ చేస్తున్నాడు. ఆ ఆటో ఎక్కిన శివాని అనే నెటిజన్ అతడి ఫొటో తీసి సోషల్ మీడియాలో పోస్ట్ చేశారు. ``ఎక్స్‌ట్రా కంఫర్ట్ కోసం ఓ ఆటో డ్రైవర్ తన ఆటోలో ఆఫీస్ ఛైర్‌ను ఫిక్స్ చేసుకున్నాడు. అందుకే నేను బెంగళూరును ఎక్కువ ప్రేమిస్తా`` అంటూ ఆమె కామెంట్ చేశారు.

ఆమె సోషల్ మీడియాలో పోస్ట్ చేసిన ఫొటో వైరల్‌గా మారింది. చాలా తక్కువ వ్యవధిలోనే ఈ ఫొటోను 47 వేల మందికి పైగా వీక్షించారు. దాదాపు రెండు వేల మంది ఈ ఫొటోను లైక్ చేశారు. ఈ పోస్ట్‌పై నెటిజన్లు తమదైన శైలిలో స్పందించారు. ``ఆ ఆటో డ్రైవర్ తన వెన్నెముకను పట్టించుకుంటున్నందుకు ధన్యవాదాలు``, ``ఇది మోటారు వాహనాల చట్టం ఉల్లంఘన కిందకు రాదు కదా``, ``ఇది చాలా తెలివైన పని``, ``బెంగళూరు వాసులు చాలా అడ్వాన్స్‌డ్`` అంటూ నెటిజన్లు కామెంట్లు చేశారు.