Viral Video: ఏం తెలివి గురూ.. బైక్‌ను ఆటోలా మార్చి ఐదుగురిని తీసుకెళ్తున్నాడు.. జుగాడ్ వీడియో వైరల్..

ABN, Publish Date - Aug 31 , 2024 | 05:35 PM

తెలివి తేటలు ఉండాలే గానీ, శూన్యం నుంచి కూడా అద్భుతాలు సృష్టించవచ్చు. ఎంత పెద్ద సమస్యకైనా సులభమైన పరిష్కార మార్గం కనుగొనవచ్చు. అవసరమే అద్భుత ఆవిష్కరణలకు కారణమవుతుంది. అత్యంత సామాన్యులు అరుదైన ఆవిష్కరణలు చేసి అందరినీ ఆకట్టుకుంటుంటారు.

Bike auto

తెలివి తేటలు (Intellegence) ఉండాలే గానీ, శూన్యం నుంచి కూడా అద్భుతాలు సృష్టించవచ్చు. ఎంత పెద్ద సమస్యకైనా సులభమైన పరిష్కార మార్గం కనుగొనవచ్చు. అవసరమే అద్భుత ఆవిష్కరణలకు (Innovations) కారణమవుతుంది. అత్యంత సామాన్యులు అరుదైన ఆవిష్కరణలు చేసి అందరినీ ఆకట్టుకుంటుంటారు. అలాంటి ఎన్నో జుగాడ్ వీడియోలు (Jugaad Videos) ఇప్పటికే సోషల్ మీడియాలో వైరల్‌గా మారాయి. తాజాగా మరో వీడియో నెట్టింట హల్‌చల్ చేస్తోంది. వైరల్ అవుతున్న ఆ వీడియోలోని వ్యక్తి బైక్‌ను ఆటోలా మార్చి ఐదుగురిని తీసుకువెళ్తున్నాడు (Viral Video).

@NaushadVibe అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వ్యక్తి తన బైక్‌‌ను ఆటోలా మార్చేశాడు. బైక్‌ (Bike)కు ఓ టాప్, కొన్ని ఐరన్ రాడ్లను వెల్డింగ్ చేసి సీట్లు కూడా ఏర్పాటు చేశాడు. తను కాకుండా ఐదుగురు కూర్చొనేలా బ్యాలెన్స్‌డ్‌గా సీట్లు ఏర్పాటు చేశాడు. ఆ సీట్లలో ఐదుగురిని ఎక్కించుకుని బైక్ రైడింగ్ ప్రారంభించాడు. చక్కగా రోడ్డు మీద ప్రయాణించాడు. ఆ వీడియో ఎప్పుడు, ఎక్కడ రికార్డు చేశారో స్పష్టత లేదు గానీ, ఆ వీడియో నెటిజన్లను విపరీతంగా ఆశ్చర్యపరుస్తోంది. సోషల్ మీడియాలో వైరల్‌గా మారింది.

ఈ వైరల్ వీడియోను ఇప్పటివరకు 10 వేల మందికి పైగా వీక్షించారు. ఈ వీడియోపై నెటిజన్లు తమ స్పందనలను తెలియజేశారు. ``వావ్, వాట్ ఎ టాలెంట్``, ``ఇది నిజమైన దేశీ జుగాడ్``, ``ఇది వీడియోల కోసమే, నిజంగా వర్కవుట్ కాదేమో``, ``బ్యాలెన్స్ తప్పితే చాలా ప్రమాదం``, ``ఇలాంటి ఐడియాలు ఎలా వస్తాయో`` అంటూ నెటిజన్లు కామెంట్లు చేశారు.