Viral Video: వావ్.. కుట్టు మెషిన్‌ను ఇలా కూడా వాడొచ్చా.. బట్టలు కుట్టే మెషిన్‌తో కాఫీ ఎలా కలిపారంటే..

ABN, Publish Date - Oct 29 , 2024 | 05:57 PM

అద్భుతమైన తెలివితేటలు ఉపయోగించి నూతన ఆవిష్కరణలు చేసిన వారికి సోషల్ మీడియాలో పాపులారిటీ బాగా పెరుగుతోంది. దీంతో చాలా మంది విచిత్రమైన ప్రయోగాలు చేస్తూ వైరల్ అయ్యేందుకు ప్రయత్నిస్తున్నారు. ప్రస్తుతం అలాంటిదే ఓ వీడియో నెట్టింట హల్‌చల్ చేస్తోంది.

A Man converted a sewing machine into an espresso coffee making machine

మన దేశంలో చాలా మంది తక్కువ ఖర్చుతో రోజువారీ పనులను చేయడం ఎలా అని ఆలోచించడంలో సిద్ధహస్తులు. పెద్ద సమస్యకు సులభమైన పరిష్కారం కనుగొనడంలో మన వాళ్లకు తిరుగులేదు. అలాంటి ఎన్నో జుగాడ్ వీడియోలు (Jugaad Videos) సోషల్ మీడియా ద్వారా మన కళ్ల ముందుకు వస్తున్నారు. అద్భుతమైన తెలివితేటలు ఉపయోగించి నూతన ఆవిష్కరణలు చేసిన వారికి పాపులారిటీ బాగా పెరుగుతోంది. దీంతో చాలా మంది విచిత్రమైన ప్రయోగాలు చేస్తూ వైరల్ అయ్యేందుకు ప్రయత్నిస్తున్నారు. ప్రస్తుతం అలాంటిదే ఓ వీడియో నెట్టింట హల్‌చల్ చేస్తోంది (Viral Video).

resep_inspirasi అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ కుట్టు మెషిన్ (Sewing machine) ఉంది. మెషిన్‌కు సూది ఉండాల్సిన స్థానంలో ఓ మిక్సింగ్ స్టిక్ ఉంది. ఓ వ్యక్తి ఎస్‌ప్రెసో కాఫీ (Espresso coffee) మగ్‌ను దాని దగ్గర పెట్టి మెషిన్ ఆన్ చేశాడు. దీంతో ఆ మగ్‌లో మిశ్రమం బాగా మిక్స్ అయి నురగతో కూడిన కాఫీ సిద్ధమైంది. సాధారణంగా ఇలాంటి ఎస్‌ప్రెసో కాఫీలను తయారు చేసేందుకు ప్రత్యేకమైన మెషిన్‌లు ఉంటాయి. ఈ వీడియోలోని వ్యక్తి కుట్టు మెషిన్‌తోనే కాఫీ కలిపేశాడు. ఆ వీడియోను సోషల్ మీడియాలో పోస్ట్ చేయడంతో అది కాస్తా వైరల్‌గా మారింది.

ఆ వైరల్ వీడియో చాలా మందిని ఆశ్చర్యపరుస్తోంది. ఈ వైరల్ వీడియోను మిలియన్ మందికి పైగా వీక్షించారు. 90 వేల కంటే ఎక్కువ మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో ఫన్నీ కామెంట్లు చేశారు. ``కుట్టు మెషిన్ పవర్‌ను మిస్ యూజ్ చేస్తున్నారు``, ``ఇది నిజంగా మంచి ఆలోచన``, ``కొన్ని రోజుల తర్వాత దాంతోనే చట్నీ కూడా చేస్తారేమో``, ``చాలా పవర్‌ఫుల్ జుగాడ్``, ``కుట్టు మెషిన్‌ను చక్కగా వాడుకోవడం అంటే ఇదే`` అంటూ నెటిజన్లు కామెంట్లు చేశారు.